أضف الموضوع
الشاعر الشيخ عبدالستار الكاظمي - 07/02/2014م - 9:05 ص | عدد القراء: 2689
لا لا لتروح... يا بويه
محتاره الروح... يا بويه
طفله آنا و أرد أنخاك...قضيت العمر وياك
ما أقدر على فرقاك
ضعن حسين لمن شال و الحادي حده إعله البل
بالرضعان و الخدر و أنووا للرحال الكل
الكل هودج قمر هاشم راح المحمله إيعدل
ضعن العايله من سار...طلعت فاطمه امن الدار
و الهم ابقلبها ثار
صاحت وين عفتوني ...عليله و الدمع مسبل
قلبي مجروح... يا بويه
و دمعي مسفوح... يا بويه
لمن شالت الأضعان...قلبي حرقته الأحزان
من إسمعها والدها و هي امن المرض تلفانه
إجاها ابصدره خلاها و إتلفت الركبانه
عينه إتندت إبدمعه يمها شبت أجزانه
يمها ونته جرها...عليه إشلون يخبرها
ما يدري إشيصبرها
قالت له عله إفراقك...مقدر عالصبر آنه
خذني وياك... يا بويه
موتي إبلياك... يا بويه
ووين أنطي الوجه لاوين...متقلي يبويه حسين
قال إلها يبعد أهلي ودي لو تجين إوياي
لاجن المرض ماذيج و متمحنه ابهذا الداي
و الممشه كلف و إبعيد و إنتي وين عن ممشاي
تقله و الدمع يجري...يا بويه خلص عمري
يا ريت إندرس عمري
و لا شوف الزمل وياك... رايح و الحزن حداي
من كون إعميت... يا بويه
و عمري يا ريت ... يا بويه
آنه إلها العمر ما ريد...تخليني و تروح إبعيد
تقله إنجان عايفني تريد إبصبري أتحله
خلي خويه عبدالله يمي و بيه أتسله
تراني إخلافك و دونك جسمي امن الحزن يبله
قلها حسين عند أمرج...رباب إبعينها إتخبرج
بأخوج الشوفته إتسرج
قالت شوفة إموادع... تهد إقليبي و إتحله
تهيت الراي... يا بويه
إظلمت دنياي ...يا بويه
إبضعنك صيحت الحادي...منها إتفتت أفادي
ساعه لو غبت عني إبلهفة قلب أنتظرك
و أوقف لك بباب الدار و أطب و أطلع ابفكرك
و من ترجع تلاعبني تشمني و أقعد بحجرك
أدري بيك من تطلع ...عله فرقاي تتلوع
يبويه قلي هم ترجع
إذا ما ترجع إحجي لي... و إسقي روحي من صبرك
صبري خلصان ...يا بويه
و جسمي تلفان ... يا بويه
و أشوف البيت يا مظلوم...مثلي موحش و مهموم
للطفله أبو اليمه إبدمع العين ودعها
و لمن راحت الأضعان هم الفرقه روعها
عله الشالوا تون و إتصيح و تكت العين مدمعها
بالعبره تسح العين...و تتلفت يسار ايمين
يبويه وين رايح وين
و الأنشاد من هالناس ...عقب حسين يسمعها
إبجور الأيام...يا بويه
قلبي منضام ...يا بويه
تالي إبجورها الأيتام...مني إتلاشت الأحلام |
|
