إلـك يحسين... جرت كل عين ... نظل طول العمر ننعاك
مـن حـقـه الـدمـع لـو هـل قـلبنه حقه من اينوح
الـدمـع مـخـلـوق لمصابك دمعنه بكل وكت مسفوح
جـم روحـي الـبـقـت يـمك جسم ظلينه و بلا روح
ذبـل هـرش الـقـلب يحسين نشل اجروح تدي اجروح
القلب مفجوع ... و نهل ادموع... اشبدينه و القلب يهواك
بـقـلـوب الـبـشـر يـحـسـيـن محبتك نار تتوقد
مـكـنـونـه بـضـمـايـرنـه مـا تـطفه ولا تبرد
بـقـلـب كـل مـؤمـن مـحـبتك و بيها اسمك اتشيد
و إذا تـنـشـدنـه عـن حـبـك نقلك هالقلب يشهد
القلب مفتون... العقل مجنون... و جذب لحظه القلب ينساك
سـفـيـنـة حـبـك الـطـاهر من كل السفن أوسع
و بـبـحـور الـخـطـر يـحسين صارت للنجاة أسرع
شـفـيـع اذنـوبـنـه إنـتـه و الك يوم الحشر نفزع
مـصـبـاح الـهـده مـولاي و الـكـل الخلق تشفع
الذنوب اهواي... و تحير الراي... و كل هاي البشر بحماك
بـس وحـده يـبـو الـيـمـه من عدها الدليل ايلوب
لـيـل انـهـار نـتـوسـل و انـتـه البشدد مندوب
الـبـعـد يـحـسـيـن خـلانه بزفرات الحنين انذوب
اشـوكـت يـا رحـمـة الـبـاري تفرج كربة المكروب
قـتـلـنه الهم ... اشوكت نلتم... و يجمعنه الزمان اوياك
قـوافـل تـعـتـنـي اتـزورك و تـقـصد كربله يمك
لـيـش احـنـه يـبـو الـيمه حرمنه ازيارتك خصمك
صـرنـه انـزورك مـن ابـعيد ابدمعنه سيدي انحشمك
نـريـد انـعـود قـبـل الـموت و نحلفك و بضلع أمك
الصبر مقبول ... و جزه المعقول... و تعده احدوده نترجاك
امـصـابـك بـالـحـشـه نـاره نصبنه بكل قلب مأتم
قـلـت يـا شـيـعـه ذكـروني و ذكرك للجرح بلسم
ابـدمـع نـنـعـاك ما يكفي و خل يجري الدمع من دم
إنـتـه الـقـدمـت نـحـرك لـجـلنه و صدرك اتهشم
نـون و انوح ... فداك الروح... و تظل ابكل قلب ذكراك |
