بـالـطـف  يـتـامـه –  اثـنـيـن انــشــد يــزيــنـب – ويـن بــعـد الگمـر – ويـن  الـمـفـر أنــشــد يــزيــنــب  ويـن بـعـد  حـرگ الخيم والخوف  واشباحه حـلـم  دمـع الـيـتـيم ابعين  ذبّاحه مـشـوا اولاد مـسـلم خطوه  وانياحه مـثـل طـيـر الغريب اوتِكسَر  اجناحه راحـوا  ولا يدرون – كل المسافه  اعيون لاح الــخـطـر – ويـن الـمـفـر أنــشــد يــزيــنــب  ويـن تـريـد الـجـائـزة والـكـل تتابعهم ولا إلـهـم شـبـه مـحّـد يـضيَعهم لـلـسـجّـان  إجـوا  واتهل  مدامعهم يـتـلـون الـكـتـاب اوهوّ  يسمعهم مـن  دمـعة الأحزان – أطلقهم  السجّان وصّـى الـحـذر – ويـن  الـمـفـر أنــشــد يــزيــنــب  ويـن مـشـوا والـمـوت لـو تاهوا  يدلّيهم وحـوش  الـلـيل صارت تحرس اعليهم إجـتـهـم  جـاريـة وشافت  معانيهم هـذولـه  ابـدور  تـنشد وين  اهاليهم لـمـن اجوا للدار – وانكشفت  الأسرار حـارث حـضـر – ويـن الـمـفـر أنــشــد يــزيــنــب  ويـن يـسـولـف  والوجه من التعب  مخطوف يـتـامـه  اثـنـين  فرّوا وين  مايدرون تگّلـه اهـنـا يحارث بس ملكها  الخوف دم  احـسـين كافي وذوله عدنه  اضيوف لـمـن اجـه وشافوه – دمعة فرح لاقوه صــاح الـدهـر – ويـن الـمـفـر أنــشــد يــزيــنــب  ويـن لاح الـسـوط بـيـده وبان وجه  الشر وابـهـاي  الـزغـيـر ايـلوذ  بالأكبر لا  گلـبـه انـكـسر والحرمه ما  تگدر ويـنـك  يـا عـلـي الكرار ما  تحضر يـاحيدر  ايصيحون  – وابيا حمه  ايلوذون مـحـد حـضـر – ويـن الـمـفـر أنــشــد يــزيــنــب  ويـن گالـوا  لـه يـحـارث لـيـش  تاذينه يـحـارث بـيـعـنـه وأخذ الثمن بينه يـظـالـم عـاد لإبـن ازيـاد ودّيـنه گالـوا  لـه  نـصـلـي انـريد  خلينّه دمـعـة  وداع  اطفال – وايعاين  الچتال سـيـفـه انـشـهـر - ويـن الـمفر أنــشــد يــزيــنــب  ويـن مـنـهـو ايـريـد مـنكم ينذبح  أوّل صـاح  آنـه الچبـيـر اوگال لا تسأل يـحـارث خـل اخـويه اوگام  يتوسّل ذب روحـه الـزغـيـر اوگال لا  تفعل شاف العجب واحتار – وانشبحت الأنظار صـاح الـنـحـر – ويـن الـمـفـر أنــشــد يــزيــنــب  ويـن گطـع راس الچبـيـر إلـما عرف  رحمه وإجـه يـم الـزغـيـر ايصيح  وايشمّه يـغـمـض  اعـيون  اخيّه وينظر  إلدمّه والـحـارث تـظـن هـالـمنظر ايهمّه ظل الزغير اينوح – لن اعلى اخوه  مذبوح صـوت  الـنـهـر – ويـن الـمـفر أنــشــد يــزيــنــب  ويـن