» احفر نهر يا محجر العين...اروي الخبر عن السجينين  » يا مجير ابلا إجاره...بارك بهاي الزياره  » ليل الغاضرية...شفته بكل مسية  » عالگاع قرآن محبوس...مفروض ينشال عالروس  » صبرك كليم...ويه الرحيم  » بالله نزل النعش يا شّياله  » يا أمير ابن الأمير...سبحه بجفوفك نصير  » ما نعوفك هيهات موسه ابنَ جعفر  » آنا الغريب العل جسر...عدواني خلوني  » إمامي إبساعة المحشر...أندبه إبشدتي يحضر  

  
  • أضف الموضوع


  • الشاعر أبو حسنين الربيعي - 31/10/2014م - 12:54 م | عدد القراء: 2605



    يا      بو      فاضل     ترف      رايتك
    إبكل      زمن      تشرح      إمصيبتك
    بيها     أسرار     ...    هاك     الأخبار

    إشكثر   رايات   أشاهدها   تعلق   ناسنه
    راية  العباس  هي  اللي  تحرك   إحساسنه
    بيها  خوه  ووفاء  و  بيها  رفعت   راسنه
    بيها  مقياس  البطوله و أصبحت  مقياسنه
    بيها       صارت       مثل        غيرتك
    جن      تحاجي      الدهر       صورتك
    رمز      الأحرار...     هاك      الأخبار

    بالمجالس    من   ترفرف   رايتك    مولانه
    من  أشوف الرايه تدخل جنك إنت  إويانه
    بيرغ  العباس  عندي  يشكي  هم  أحزانه
    موقف  الرايه  إويه  زينب  عجبت  دنيانه
    رايتك       خويه       تبره        المحملي
    عندي   صار   إحساس  جن  راية  علي
    حامي      الجار...     هاك      الأخبار

    أرد أسمع الناس كلها و أرد أقول  إحجايه
    بيرغ   العباس   عندي  بالوطن  دق   ثايه
    جم  عليل  اللي  تعنه  إبجفه  شال  الرايه
    إبسابع  العباس  طاب  و  شفته  بالمشايه
    كلمن     يمسها     أوقع    له     يطيب
    جربتها      رايتك      أفضل       طبيب
    راية       أبرار...      هاك       الأخبار

    هذي  رايي  و أرد أقولن هذا راي  إخواني
    خادم  العباس  آنا  و  هاك  إخذ  عنواني
    منك  إتعلمنه  إحنه  و  عايش  ابوجداني
    ما  أظن  صاحب  الرايه  بالحشر   ينساني
    حاشه    تنساني    و    أنادي    يالجفيل
    حملي    بذنوبي    يبو    فاضل     ثجيل
    و    دمعي    مدرار...   هاك    الأخبار

    يالتريد  إتعيش  سالم  ما  يصيبك كل  ألم
    إرسم الرايه إعله صدرك باللطم مو بالقلم
    حقها  بت  حيدر تنادي آه يشيال  العلم
    راية  العباس بيدي و يا هو يوصل  للخيم
    يا     هو     يوصل     يزينب     للخيام
    ظلت     إترف     رايته     بيد    الإمام
    راية      أنصار...      هاك       الأخبار

    يا  علم  عباس  إنت  رايه  للعز و  الفخر
    ما طحت يم الشريعه و إرسمت أروع  صور
    إتوضحت  صورة كلامي أدري للرايه  أثر
    الرايه  أشوفنها  ترفرف  و  بيمين  المنتظر
    دارت     الدنيه    علينه    خل     تدور
    كلها      منتظره      يمهدينه      الظهور
    صاحب     الثار...     هاك     الأخبار



    موقع القصائد الولائية © 2004 - 2013