مـهـمـومـه يا روحي ... تتنازف اجروحي... لوعني جسام... إبني
إقـبـالـي انقطع نحره ... عمر الورد عمره... إبن اثنعش عام ... إبني
هضمني اللي تعبت اعليه و ربيته ... اسهرت و ابكل ترافت قلبي ناغيته
عله اجروحي ايتخطه و بيدي مشيته ... قلت يكبر و أزفه ابنفسي يا ريته
وسـف تـالـي صريع ابكربله القيته ... وقع لاجن وقع وياه عمد بيته
إبـنـي انـخـمـد نـوره ... جـالـورده منثوره... بعيون الأحلام
إبـدم رقـبـتـه اتـحـنـه ... لـو ناشدت عنه... إبني اثنعش عام
أنـه رمـلـه ابحزن لو ناشدت عني ... أنه البلعيد ما مره ضحك سني
فـرد يـوم اربع اشموع انطفت مني ... أول شمعه شمعة فرح عرس إبني
شـمـعه و إلها جان القلب متمني ... ضواها احرسته بدموعي و ثقل وني
شـمـعـة عـرس وسـفـه ... و ابـليلة الزفه... طفتها الأيام يبني
هـذا إبـنـي الـمـجـندل ... عن عمره لا تسأل... ابن اثنعش عام
حـزيـنـه و ثـاني شمعه ابحزن تبرالي ... يا شمعة شبابه و رجوة آمالي
حـرزتـه امن الزمان و ما رحم تالي ... طفوا شمعة شبابه و طايح إقبالي
آي يـا حيرتي و هضمي و سقم حالي... طفوا شمعة شباب الواحد الغالي
آه يـا سـقـم هـمـي ... إبـني انذبح يمي... بسيوف الإجرام يبني
و إقـبـالـي مـتـوسـد ... عن عمره لا تنشد... إبني اثنعش عام
آه يـا غـربـتي و جور السده اعليه ... و نار الهم تشب و تنطفي بيه
ثـالـث شـمـعـه شـمـعة عيني مطفيه ... لمن شفت جثة إبني مرميه
احـس بـالـماي الأسود عيني مغشيه ... صرت أتلمس الحيطان بيديه
مـا وجـد ابـعـيـنـي ... و امصابي عاميني... و ابضامري إسهام
و إبـنـي إبـنـي اللي ضحيته ... كل عمره عديته... إبني اثنعش عام
مـهـجـتي ابوهجة الحسرات شبوها ... و رابع شمعه شمعة بيتي طفوها
عـلـه الـتربان جثة إبني صرعوها ... و شمعة داره باللوعات خمدوها
عـقب ما رقبة إبني ابسيف قطعوها ... مظلمه و موحشه هالدار خلوها
إبـنـي اخـتـفـت شمسه ... و إبن الحسن عرسه... يا وسفه ما دام
و ابـقـلـبـه آلامـه ... لا تـحـسـب أعوامه... إبني اثنعش عام
جـبـين إبني الشمس و ابكربله اتعفر ... تخذم بالمواضي و عالثره اتنثر
الـلحد لو يحصل أسكن بيه و أتستر ... بعد ما اقدر أحمل ضيم و أتصبر
مـثل جسم إبني قلبي الهايم اتوذر ... الصبر واجب عله المحتوم و امگدر |
