يا  زمن  و  الله  عجيبه ...بت علي تصبح  غريبه من  أعد  امصاب  زينب...قلي  أذكر  يا مصيبه قصة    تجرح    كل    قلب    قصة     هضمها أبدي    من    عمر    الطفوله    و   من   يتمها زينب      ابكل      المصايب     ورثت      أمها نار       باب       الدار      لحقتها       الخيمها أمها  من كسروا ضلعها ...و ابتدت قصة  دمعها و  القلب  لآخر  عمرها...ما  طفت  جمرة   لهيبه انت     تدري     الليل     إذا    خيّم     ظلامه اتسير      أحلامه      عله      اعيون      التنامه زينب       اتدور      مشت      عن       اليتامه يا       يتيم       العافته       الخيل      بسلامه يا   طفل   لمن  تفقده...ضايع  و  تقدر  تقصده عنه  لو  تمشي  و  تناشد...صعبه عالحره  النجيبه زينب     الما     ظن    نسب    يوصل     نسبها هذا      يضربها      ابحقد      ذاك       اليسبها عله     الحومه     الحادي     من    عيّن     دربها شامت     و     كل     غايته     يجرح     قلبها بغضاً  الحيدر  أبوها...ساعة  المرها  اعله   اخوها من  عله  الناقه  و  تشاهد...جثة  الوالي   سليبه اتنادي     يالحادي     بقت     حسره     بدليلي اشلون    أقولن    ما   قدرت   اوصل    كفيلي عالنهر     مر     بيه     خل     أشفي    غليلي و    أرد    أقله    بيا    صبر    عنك     رحيلي ما   أعوفك   لوبيديه...من  رحت  غصبن   عليه خويه  يا  عباس  قلي...بعد  صبري  امنين  اجيبه خويه      قلبي      البلدرب      عاشر      ونينه ذكرياتك         خلّته         يشتّد         حنينه وين      أبو     الغيره     التكفل     بيه      وينه خوفي     لا     يوقع     طفل     من    الضعينه و  آنا  كل  دربي  المشيته...أذكر حسين ووصيته و  الله  ما  تنعد جروحي...يا جرح ترهم له  طِيبه لوعت      الطوفه     الأشد     من      ادخلتها دار     أبويه     إقبالي    صارت    من     شفتها ذيج      الأيام      العشت      بيها      اذكرتها و       بعتاب      الضاقت      المر       عاتبتها وسفه   يا   دار   الولايه...ندخل  الكوفه  سبايه ضجّت  الكوفه  الثكاله...يا  قلب  يقطع   نحيبه آنا       بت       راعي       الشدايد       جاره و     بحبل     مجتوفه    أطب    قصر     الإماره و     أسمع     إبن     إزياد    يشتمني     بجساره من    هضمني    و    عالوجن   دمعي    ايتجاره صحت يا حامي دخيلك...يا علي أرد أشتكيلك بويه  و  الله انكسر قلبي...و الونين أصبح  نصيبه