أضف الموضوع
الشاعر نجم الصّراف الكاظمي - 17/11/2014م - 10:19 م | عدد القراء: 1766
هالليله هالليله... أروي لك الليله للغاضريه من عاد...هذا الصار إويه السجاد هالليله هالليله ...أروي لك الليله
إبن حسين إيخاطب حيدر من رد يدفن للأطهار إيشوف الأجساد المطروحه من أهله و من الأنصار إيقله إجمعت الوحي الصامت وحدك يا حماي الجار و الوحي الناطق و آياته هذانه إوياهم محتار يا حيدر يا حيدر ...إجمعناها يا حيدر بين إكتاب و بين أجساد...هذا الصار إويه السجاد أروي لك الليله
من غاب الهادي إعله الأمه و صار الصار بأهل البيت تجمع للمصحف و آياته يا حيدر وحدك ظليت عاهدته الجدي بقرآنه و بوحدك وياهم أوفيت و يوم الطف وصاني الوالد و اليوم أوفي إوياه رديت بعيوني بعيوني ...آياته بعيوني و من بعد العز و الأمجاد...هذا الصار إويه السجاد أروي لك الليله
تكليفك قدسي و رباني اديته إبلهفه و إيمان و مثلك متكلف و إموصه جيت أدفن ثار الرحمان إكتاب الله الناطق بأرض الطف ظل مذبوح إعله التربان آياته إتوزعن عالغبره و كل آيه إتمثل قرآن مذبوحه مذبوحه... آياته مذبوحه عالأجساد الروس إبعاد...هذا الصار إويه السجاد أروي لك الليله
القرآن العندك آياته إبفكرك جانت كلها إتلوح و قرآن الطف سحقوا صدره و راسه امن المنحر مذبوح من جنت إترتل آياتك جان إوياك إيعيد الروح لاجن للحسين و آياته جبرائيل إيون و ينوح تصويره تصويره ...للغالي تصويره إبمهده و تطوف الوفاد...هذا الصار إويه السجاد أروي لك الليله
يا حيدر ريتك لو حاضر و الآية جسام إتشوف بالأكبر جان إتساعدني و إموذر برماح و بسيوف و يم العباس إعله الشاطي ريتك لو ويايه إتطوف مفصول الراس من الجثه و الإيدين إبلايه إجفوف هالآيه هالآيه... حيرتني هالآيه الحالتها الهم بيه إزداد...هذا الصار إويه السجاد أروي لك الليله
إتمنيتك تحضر يا جدي بس لتجيب أم المظلوم و الريحانه إشلون إتشوفه مذبوح و يتجاره إدموم ردتك لو بس بالطف تحضر و إتشاهد صدره المهشوم إتوسد عبدالله ويايه و إنودع ثار المفطوم يا حيره يا حيره ...أعظم من هالحيره أكباد إتودع أكباد...هذا الصار إويه السجاد أروي لك الليله |
|