أضف الموضوع
الشاعر مهدي بارون - 29/11/2014م - 11:52 م | عدد القراء: 3606
|
تسأل تظل الناس ما جاوبوها...عن جده ليش ابعيد جثته احملوها
أظلم نهار الكون بس اليظل ليل...و لما النعش شالوه صار الدمع سيل
و المجتبه ابهاليوم عن دنيته ايشيل...و الدنيه مالت حين جبده اغدروها
أصل الظلم معروف أول خليفه...و يم الحسن هاليوم صارت سقيفه
متعطله و يا حيف جثته الشريفه...يم جده قالوا لا ما تدفنوها
و ندري و نعرف اشلون نهج الإمامه...عالغبره لو مسموم صارت علامه
و ليش ابسهام الجور نعشه ايترامه...و اجنازة المعصوم وليه ولوها
هذا اللفاه الموت إبن الوديعه ...و عمره انتهه و غدروه ابهاي الفجيعه
و نوره انطفه امن البيت و نوّر بقيعه ...لاجن وسف ظلام قبته اهدموها
و تتناقل الأحقاد و احنا ابعصرنه ...يمنعنه عنك سور لو رحنه زرنه
و انسلم امن ابعيد تعرف عذرنه...ناس التجيك تزور كلها امنعوها
يا يوم إلك و اتصير قبه و مناير...يا يوم اشوف الناس ما يبقه حاير
تنشدني رايح وين و اجوابي زاير...و حج المدينه أرضك سِعوها
تنتظرك الغياب روحي الحزينه...يمته الوعد تلقاه برض المدينه
و الدنيه كلها اتصيح مهدينه وينه ...رايه يثار حسين بيده لقوها
|
|
