أضف الموضوع
الشاعر واثق العيساوي - 09/01/2015م - 11:20 ص | عدد القراء: 1810
رسّام و لوحات اعيونك...أجمل مخلوق ايوصفونك
ها يا قلبي ...ذنبك ذنبي ...و بحب الهادي ايلومونك
الما عرفوا شوق اعيوني ...عالحب يا قلبي ايلوموني
ما قدروا عنه ايبعدوني...لا و الله
أنسه إشلون الما ينساني ...و بدربه الأبيض مشّاني
عزي و تاريخي و عنواني...اشلون أنساه
سألوني و قلت إلهم اسمه...ورده و ماي و حب و بسمه
صوتي اشردد ...بإسمك أحمد...مجنونك عايش مجنونك
هالليله الأيتام اتنادي... فرحانه ابجيتك يالهادي
أصبح ميلادك ميلادي ...إنت الروح
لبست العزه بدنيانه...و انجوم النزلت ويانه
هالليله أحبابك فرحانه...و ما كو اجروح
عطرك لمن هب شميته...و بماي الورد اسمك خطيته
فوق اعيوني ...خل ايلوموني...هالدنيه اشتصبح من دونك
رحمه و رب الكون أهداها ...جسّدها و كونها بطاها
دنيانه العطشانه أحياها ...بيده الماي
خاتم كل ليل ابضي نوره ...أيتام و فقره ابدستوره
سفّان و ضايع ببحوره ...حبه الراي
يم الغار اهناك آثاره ...و بكل منهج شفنه أفكاره
ما ننساها...عشنه اوياها...مضمون الجنه بمضمونك
بجناح الأفراح أتعنه ...يم قبره ابهالليله أتمنه
آخذ شمعه وورده و حنه...و أشبع نور
أنسه ادموعي و أنسه اجراحي...وياك اشقد تحله أفراحي
أصنع من اورود اجناحي...ليك انزور
ما أتعناك بدمعاتي...أوصل وي شوقي و ضحكاتي
انت الآيه ...حبك غايه ...ما تحله الدنيه ابلا لونك |
|
