أضف الموضوع
الشاعر السيد عبدالخالق المحنّه - 11/05/2015م - 1:12 ص | عدد القراء: 5295
ما نامت العين... آه يا ليل آه يا ليل
ليل الفزع... بيه ما طلع ... مصباح
أم الحزن... ظليت أون... عالراح
وين التفت... يمي شفت... ذبّاح
ما أستمع... بس الدمع... و اصياح
و بقلبي جرحين... آه يا ليل آه يا ليل
يا دمعتي ... وين اخوتي... ابهاليوم
طال البعد ... ظليت أعد... انجوم
وشكم نحر ... وسط النظر... مرسوم
ابجفني جمر... لا لا تمر ... يا نوم
مشتاقة لحسين... آه يا ليل آه يا ليل
ها يالأهل... زينب تظل... تحتار
من أنتحب ... بيه تشب... جم نار
نار الخيم... نار الألم... و الدار
و اعله الثره... اموذره... الأقمار
يا سطرة البين... آه يا ليل آه يا ليل
يم النهر ... و ظهري انكسر... يا ناس
أمشي و طحت... من افقدت... عباس
قلبي انمرد ... شفت العمد... بالراس
ابجسمه لذت... من شاهدت... حراس
و بجفي جفين ... آه يا ليل آه يا ليل
من ارجعت ... وحدي خفت... أنشاف
امخدره ... حقي تره... لو اخاف
يهلي صعب... ويه الغرب... أنعاف
هاي يا علي... تنظر إلي... الأجلاف
صحنه المفر وين... آه يا ليل آه يا ليل
بعد الخدر ... ويه الشمر ... مسراي
يسأل يظل... ظل الكفل... عالماي
ابوجهه صحت... انت الصرت... حدَّاي
بيه اشتفت... ما قصرت... دنياي
عشت الأمّرين... آه يا ليل آه يا ليل
قلت له ابتعد... لا تعتقد... ذليت
لا ما أذل ... و آني الأصل... ظليت
خدر الولي... حيدر علي... اتسميت
كون ايحضر... فارس مضر... يا ريت
و انجيبه له امنين... آه يا ليل آه يا ليل
قال اترتجي... لا ما يجي... تدرين
روس اخوتج... هالشافتج... تبجين
كل منيتي ... و كل غايتي... اتونين
و امحيره ... و اميسره ... تمشين
ذبحوني مرتين... آه يا ليل آه يا ليل
هاي الخفت... و الما إجت... عالبال
بين العده ... امقيده ... بحبال
ابدرب اليسر ... ريت العمر ... لا طال
حرمه انولت... و اللي ولت... أنذال
وقفولي صفين... آه يا ليل آه يا ليل |
|
