معذور  جفك  وقع  والحومة  كلها   سيوف قلبك   يريد   النهر  والسيف  راد   اجفوف محتار إلمن تصد...والدنيا بيك تدور...معذور جاي  بطريقه  السهم  وانت  شبحت   العين تنصاب  عين  الوفه  وينصاب  قلب  حسين لا   توقع   امن   المهر   يالما   إلك    جفين من  توقع  اعله  الثره...  بيمن  تصد يا  تره احذر   يبن   حيدره  ...جف  الوفه   مبتور يالجودك    بلا    عذب   إلمن   تريد    تعود شتجاوب   الينتظر   لمن   تجي   بلا    جود شيصبر    أم    الخدر   وانت   بلايا   ازنود آخر   أنفاسك   تعد...عن   الخيام    ابتعد لا   لا   تفكر  ترد...جنح  الخيم   مكسور ها  يالطحت  ع  النهر  والموت  قرب  ليك اليوم   كسرة   ظهر  وحسين  طاح   إعليك يالله   استعد   للعتب   زينب   اكيد   تجيك شتجاوب  اشتعتذر...من  تعتب  أم   الخدر بعده    الطفل    ينتظر...والعلقمي    محظور دمك   يطول   عجب  زينب  تصيح   الويل صاحت  يا  غيرة  علي  أنهض  اجتنا  الخيل من    يحرس    العايلة    لمن    يجينه    الليل لامو   وكت  نومتك...ترحل  وكت   عازتك يابو     الوفه    مروتك...والعاتبك     مجبور لمن   أجاك   الأخو   وانت  عدو   احسبت قلت  له  يا  هذا  انتظر  لوداع اخيك  ردت قلك   يابن  والدي  لوداعك  انا   احضرت يالمستحي    اتعذرت...وانت   لا    قصرت اشحالك   لون  عاينت...أبن  النبي   منحور عافك  أخوك  ومشه  لكن  مشى  بيا  وضع محني   ويهل   مدمعه   بس   اشيفيد   الدمع من   ونته   لمصرعك   حتى  الحجر  ينصدع راح     وترك     دمعته...وبمنحرك      قبلته زينب    إذا   شافته...يخفي   الدمع   مجبور