مـن  هـالذي  مقطوع  راسه  ياضيا  العين  ... بـس مانظرته انفطر قلبي وصار نصّين مـن  هالذي  شوفة  احواله  تشعب  الرّوح ... جـسمه امبضّع ياعزيزي وكلّه  اجروح بـس  عاينت  له  سال  يابني الدّمع مسفوح ... اخـبرني هَـلمقطّع يَنور العين من  وين صـاح  الحسن  و  اتفجّرت  عينه بلدموع ... و اتـحسّر و طوّح الونّه ابقلب  موجوع هـذا  عضيدي  حسين  منّه  الرّاس  مقطوع  ... ابـنج يَـزهرا جـاي لا راسٍ ولا يدين هـذا  الـذي  ذبـحوا  على  صدره  فطيمه  ... وذبـحوا اولاده واخـوته وسلبوا حريمه وشـالوا  على  الخطّي  عقب  ذبحه  كريمه  ...  هـذا الـذي خـلّوه عاري ابغير  تجفين هـذا  الـذي  داس الـشّمر صدره بلنعال ... و انـذبح ضامي ما ارتوا من ماي  لزلال هـذا  الـذي  شـالن  حريمه  فوق  لجمال  ...  مـن  غـير  والـي  وقّـفوهن   بالدّواوين و   اتـجـدّد   الـماتم  و  دمـعتها  جـريّه  ...  و  اتـصيح  يَـبني  هيّجت  حزني  عليّه هـذا  الـغريب  الـلي  انذبح  بالغاضريّه  ...  ايـقلها  نـعم  هذا  يَزهرا اعزيزج  حسين اتـناديه يَـبني من قطع راسك و لجفوف ... من كسّر اضلوعك يَعقلي بأرض لطفوف من  قطّع  أوصالك يعيني ابضرب لسيوف ... يـا مـهجتي مـذبوح لا مطلب ولا  دين يـحسين  قـلّي  مـن  قطع  بالسّيف  نحرك  ... يـا نـور عيني من وطى بالخيل  صدرك ومـن  سـلَّب  ايتامك  وياهو  حرق خدرك ... ويـاهو الـذي شتّت بناتي اشمال  ويمين