اتـزلزِل  الـمحشر  وقفة  الزّهرا  الحزينه  ...  اتـنادي  يـربّي  الـقوم  ضـلعي  كاسرينه دخـلوا  عـلي  الـبيت  عدواني  و  ولوني  ... و قـادوا عـلي بـبنود سيفه و  سقّطوني و   نـحلة  أبـويه  اتـناهبوها  و  اطردوني  ...  هـجـموا  عـلينا  ابـدارنا  ولا   راقـبونه وعـفت  الـدنيّه  عـقب  مـا  فتّوا  افّادي  ...  وعـمّم كـريم الـمرتضى سيف  المرادي وردّوا  عـقب  عينه  و  عيني على اولادي ... واحـد قـضى مـسموم عـندي  بالمدينه وضـل  الـعزيز حسين بين اوغاد سفيان ... وقـاسى مصايب بعضها تشيّب  الرّضعان وسـافر  لـراضي  كربلا  وانذبح  عطشان  ... مـرمي و اخـوته عن اشماله وعن  يمينه إنـتَ  يَـربّي  الـعالم  ابـكل  الـمصايب  ...  ضـلّت  بـناتي  مـن  عقب  عيني   غرايب لـلشّام  ودّوهـم  يـسر  بـين  الأجـانب  ...  و  ابـني  عـلي  بـالقيد و الـغل  ماحنينه تـبدي  الـشّكايه  والـدّمع  بالخد مذروف ... بـالحال تـرفع طفل ابنها حسين ملفوف و  اتـصيح  شـيبني  يـربّي  يوم  لطفوف  ... اشـسوّى الـطّفل من ذنب حتّى  يذبحونه مـهجة  عـزيزي  يـاحكيم ابسهم مذبوح ... و قلب الرّباب امن المصيبه صار  مجروح مـن  شـافته  امغمّض  ايعالج  طلعة  الرّوح  ...  و فـتّـت اقـلوب الـهاشميّات  ابـونينه و  اتـجر  ونّـه  و  الـخلايق كلهم اوقوف ... تـندب و تـرفع بـيدها مـنديل  ملفوف ربّ  انـتقم  لـي  مْن  الذي  قطّع هلجفوف ... يـاتي الـنّدا والـنّاس كـلهم  يـسمعونه مـنّي  يَـبنت  الـمصطفى  طلبي  الشّفاعه ... لاخـذ ابـحقّج من الطّاغي و من اتباعه و  مْـن  الـذي  لـلدّار  جـاكم  بـالجماعه  ... و مْـن الـذي قـاد الوصي و روّع  بنينه و مْـن الـذي بـالباب منّج كسر ضلعين ... و الـلّي طبع جفّه على الخد وعلى العين بـشري  يبنت  المصطفى  يم حسن وحسين ... هَـليوم وعـد اقـطام واجـعيده  اللعينه هـليوم  يـازهرا  الـوفا  و  اقـبل  الميعاد  ...  آخـذ  ابـحقّك مـن بني اميّه و بني  زياد ومـن  الـذي  فـي  كـربلا  عفّر  لك أولاد ... و هـذا الـعزيز انـجان قصدك  تنظرينه وتـنظر  العرصه  والدّمع  يجري من العين ... واتـشوف ابـنها حسين من حوله  النبيّين بـين  الـخلق  واقف  بلا  راس  وبلا  ايدين ... و اتـصيح وشـهالفعل بـابني  فـاعلينه تـصرخ  ابصوت  ايزلزل  العالم  و  لَفلاك ... و الـحور ويّـاها تـضج و جْميع  لَملاك و  تـقول  يـاباقي  الـبقيّه  مـا  حضرناك  ...  الـسّهم  فـات  ولا حـضرنا يـوم  جينه واتـعج  جـميع  الـرّسل  حتّى آدم و نوح ... و يـخاطبون المصطفى والمصطفى  ينوح الله  يـعظّم  أجـرك  ابـسبطك  الـمذبوح  ...  وحـيدر عـلي يبجي ويهل ادموع  عينه