قالوا  لي  طايح  عالشريعه  قمر  عدنان...جاوبته  جا  منهو  اليرد  ضعني  للأوطان عفت  الخيم يسعر جمرها و جيت أنشده...ما يدري رضعان و حرم و أطفال  عنده شان  الإخو  يوم  الضنك  ما  ينسه  وعده...يرجع  ابجوده  للمخيم  هالوعد جان أطفاله   من   حر   العطش   تنشدني  عنه...تتخايل  الجود  و  تجر  ونه  اعله  ونه ما  لفه  ابجوده  و  العذب  أيسنه  منه...بس  هوه يدري بالخيم جم طفل  عطشان قابلت  درب  المشرعه  مشبوحه  عيني...و  أطفال  تنحب عن يساري و عن  يميني حوط  الأهداب  اعله  البصيره  امحاوطيني...و  من بين نار امخيمي تصرخ  الرضعان هالدنيا  عقبك  اتلاوحتني ابهضم بلواي...لو أدري ما سلمته جوده و لا ردت ماي ابغيبته  اصبي  عيني  انطفه  و  زادتني  دنياي...تتهامز  الدنيه  عليه  و الدهر  خان امن  الماي  جزنه  جل  يجينه  و  يحمي  حدنه...ظلينه  من  بعد  التكفلنه   وحدنه لا   ظلت   اعلينه  خيم  لا  زلم  عدنه...ابهالحاله  صرنه  من  عقب  غيبة   الوليان ابنار  الغدر حرقوا خيمنه و نصرخ الويل...و أطفال ياخذها الفزع من تصهل  الخيل هذا  نهار  اشلون  لمن  يوحش  الليل...لا  ظل  كفيل  و  لا حمه لا عدنه  صيوان من  بعد  خدري  و  عزتي  و  حشمت دلالي...لني وحيده ابغربتي و ما عندي  والي و اللي هضمني و هدم حيلي و دهش حالي...من عقب ولياني صرت ما بين عدوان وينك  يمن  جيت  و  نصبت  الخيم بيدك...ما ردت أهيج ساكنك و اهموم  أزيدك لاجن  الهاي  الموزمه  جنت  آنا  أريدك...نار  العطش  يا  با  الفضل  تبعتها  نيران