دفـنوا الـرّسول وغـابت انـوار الـنبوّه...وثــار الـمعادي يـريد يـتشفّى بـعدوّه
نـار الـحقد و جّـوا ونـار الجزل بالباب...ومـن قـبل جان الرّوح من جملة الحجّاب
بـيها الـوصي و ابـناه و الزّهرا و الكتاب...وصـاحوا يـحيدر قـوم لـو تـنوخذ قوّه
ووقـفت الـبضعه داخـل الحجره بلا خمار...تـنـده اشْـجُـرمتنا شـعلتوا بـابنا بـنار
مـيناسب احـجي ويـالغرب دنهض يَكرّار...عـجّـل تــرا يـهجمون مـابيهم مـروّه
مـاجاوب الـكرّار بـس تـجري ادمـوعه...وفـتحوا الـباب ومـن ورا الـباب الوديعه
و الـعبد بـالباب اتـجى و جـلّت اجموعه...وحـس وعـصرها وغدت من خلفه اتِّلوّى
خـرّت و خـر الـمحسن و صاحت يَفضّه...بـالعجل دركـيني تـرى مـقدر الـنّهضه
انكسرت ترا ضلوعي وجسمي المرض مضّه...ومـا بـقت لـي مـن ضربة المسمار قوّه
خـذيني يَـفضّه وحـيدر الـكرّار شـوفيه...خـبريه عـن حالي وعن ضيم الطحت فيه
صـاحت يـبنت المصطفى حيدر مشوا بيه...وقـلبه عـلى جـمر الـغضا لجلك تطوّى
والله لـو شـفتي حـال حـلاّل الـمشاكل...لـيث الـحروب بـرقبته حـطّوا حـمايل
يـمـشي بـطاعتهم ودمـع الـعين سـايل...صـاحت دتـجّي لـي الـقلب فارق سلوَّه
انـجان طـلعوا بـالوصي قـومي اطلعيني...نـسيت الـعصر بـالباب وتـسقّط جنيني
قـومـوا نــروح الـقبر جـدكم يَـبنيني...وارد اخـبره بـينا الـدّهر بـعده اشْسَوّى
