نـصـبـي يـفـضّة النوح والمأتم عليّه...لا مـن رأيـتـي حـجـرتي منّي خليّه

سـمـعـي يـفـضّـة للكلام اللي أقولهْ...قــبـل الـمـنية ودّعي الزهرة البتولهْ
بـوصـيـك يـا فـضّة أتبارين الحمولهْ...اُو بـالأخـص اُولادي يـفـضّة بالسويّه

لــمّـي شـمـل ليتام فضّة عن التبديد...بـوجوههم بالك تصيحي اُو تصفقي الأيد
اُوعـنـدي الـخبر لن بناتي اتروح ليزيد...مــــن كـربـلا لـلشام تتودى هديّه

يـاُولاد مـنّـي اتـودّعـوا قـبل المنيّهْ...إنـفـارقـتـكم يـا ولادي بـهـالعشيّهْ
مـــع الـسـلامـة يا ذبيح الغاضريّهْ...وانـتـه يبو مـحـمّد يـمسموم الدعيّه

إنـتـه يـكلبي عقب عيني اتروح مسموم...شـبّـيت فـي قـلبي ترى نيران لهموم
اُو حـزني على اللي ابكربلا ينذبح مظلوم...الله ايـعـيـنـك يـا غريب الغاضريّه

أمّــا اِخـوك الـحسن موتَه تحضرونَه...وقــت احـتـضاره يا لولد تتحاولونَه
اُو فـي يـوم دفـنـه لـلجنازة تحملونه...وانـته تـظل يا بني على الرمضة رميّه

تـبـقـى ثـلاثـتـيام لا سدر ولا كافور...اُو جملة أنصارك واخوتَك وكلكُم بلا اقبور
والأعـوجـيّـة اترض منكم ذيك لصدور...والـروس تـحمل فوق روس السمهريّه

واخـيـامـكم بـالـنار يا بني يحرّقوها...اُو كُــلّ الـحراير من خيمها ايفرهدوها
اُو تـالـي عـلـى الهزّل سبايا ايركّبوها...تـبـدي حـنـين ايفجّر اصخور القويّه

والـلـي يباري للضعينة عقب اهلكُم...زجـر اُوخولّي لو بـكيتوا يضربنْكُم
فــي كُـلّ بـلدة يا بناتي ايشهرنكُم...لـيـل اُو نـهارٌ فوق أكوار المطيّه

في الحين دارت عينها الوالد السبطين...بالليل جهّزني ابخفيّة يا ابو الحسنين
اُو لـيكون تبكي تكسر اقلوب اليتيمين...اُو حـمـلـة بناتي تفتجع كلها سويّه

بـالـلـيل جهّزني يحيدر معْ يتاماك...اُو ليكون في دفني أحد يشترك ويّاك
مـن هالذي يابو اِحسين آذاني وآذاك...يـنـتقم مـنـهم خالقي ربْ البريّه

لـمّن وصـية بوي أوصى اُوضيّعوها...اضلوعي ابصاير باب بيتي كسّروها
إجـنـازتي شـاهد لهم لا يحضروها...يابو الحسن لا يحضروا يصلّوا عليّه

عـنـهم فـلا أرضى ولا أنسى فعلهم...كُـلـهـم ترى عدوان ليّه القوم كُلْهم
وانـته الذي منصوب رب السما إلهم...امـضوا حكمهم فيك بالشمس المضيّه

تـبـقى جـليس الدار في بيتك امأخّر...تـجلس ابذلّة وغيرك اليصعد المنبر
مـنـبر الهادي يصعدُونه دون حيدر...مـنـهم بـريّـة يا علي منهم بريّه

مـع الـسلامة يا ولادي امعا لسلامهْ...حـانت الـفرقة والملاقي في القيامهْ
اُوحـقـي على الكرّار يكفل هاليتامه...اُوعينك على اللي ينذبح في الغاضريّه