أبـو   الـيـمـه   ....   كـثـر   هـمـه إجـه       ايـودع       قـبـر        جـده قـبـل  مـا  يرزم اظعونه قبل ما ينوي للهجره الـقـبر جده تعنه احسين يودعه و بالقلب  جمره وقـف  لاجنه  مثل القوس محني اعله القبر  ظهره نـمـيـر العين ظل يجري يجر حسره بأثر حسره الـقـلـب  يـسـعـر .... شـبـل  حيدر ووضـع      فـوق     الـقـبـر     خـده يـحاجي القبر بدموعه و يصيح ابصوت يا جدي قـبـل  ما  يطلع الحادي ابظعنه و للسفر  يحدي أودعـك  جـيـت بهمومي دمعتي تحفر  ابخدي عهد يالهادي عندي اوياك قرب يوم الوفه ابعهدي عــهــد راســم .... يــظـل دايـم و الــمــثــلــي وفـي ابـعـهـده أخـبـرك  يـا رسول الله و أبين إلك  مضموني رسـايـل  أمـتـك هذي كتب للبيعه  يردوني و  آنـه أدري يـا جـدي أروح و ما  ينصروني و  لاجـن هـالرسايل هاي حجج بيها  يداعوني حـكـم غـاصـب .... صـبـح  واجـب أثــور     و    أوقــف     ابــضــده بـيـن  الدمعه و الونه غقت عين أبو اليمه و نام و  لـن  يـنـظر رسول الله إجاه ابعالم الأحلام يـقـلـه  يـبني يا مظلوم بقت من دنيتك  أيام و  تجينه  ابدمك الطاهر خضيب و تنصر  الإسلام الأجـل حـتـمـي .... و تـجـي يـمـي و   أخـبـرك  قــربــت   الــمــده مـثـلـما  قلت يوليدي تروح و ما  ينصرونك و الـبـعـثـوا رسـايلهم همَ اللي  يغدرونك يـوذروك ابـمـواضيهم و من دمك  يغسلونك و يـظـل جسمك ثلثتيام صريع و ما  يدفنونك مـثـل جـسـمـك .... تـظـل يـمـك جــســوم  الأهــل  مــتــوسـده و  أخـبـرك  بعد يا مظلوم حال الما مثيله حال عـقب ما ينقطع راسك على راس الرمح  ينشال و  دم أنـصارك و أهلك يغسلها و جفنها  ارمال و  خيمكم  بيها تسعر نار و تتيسر حرم و  أطفال و  يـظـل  يـنـحـب .... قـلـب  زينب و يــعــبــر بــالــصـبـر حـده فـز  امن  المنام احسين و دمعته امن الجفن تجري و  نـاده  يـا رسـول الله و هذي خاتمة  أمري لـون مـا يـسـتقيم الدين و إلا ينقطع  نحري أنـادي  يا سيوف القوم اخديني و شلي  ابعمري الـشـيـم طـبـعـي .... الـمـثل وضعي غــيــر الــثــوره مــا عــنـده