المهدي آنا وورثت من أمي دمعي
و اعله خدي يجري حين الناعي ينعي
بعده صوت الزهره ظل عايش ابسمعي
من وره الباب و تنادي آه يا ضلعي
حقه قلبي ينفجع...دمي يجري اويه الدمع
لمن أتذكر ضلع...فاطمه
من كثر دمعي الجره راس القلب شاب
شابت اويه الراس حته ارموش الأهداب
اشما أشاهد باب أذكر عصرة الباب
و أذكر أمي لاذت بخلفه بلا احجاب
وره الباب امن اختفت...العدو اعليها التفت
و يعلم ابخلفه اوقفت...فاطمه
حته و آنا ببيتي عشت اوياها الهموم
امعلق بداري عباية أمي لليوم
يم قميص حسين و أنظرها ابحزن دوم
بيها آثار الحرق و آثار الدموم
أنظر بعيني انرسم...عالعباية ابجف ألم
لنها هاي الرسمة دم...فاطمه
حقي من تنحل اعضامي و يفنه جسمي
حقي حين ابدال دمي أجري دمي
و آنا كل تفكيري صار و هذا همي
يمته أقطعها الجفوف السطرة أمي
عالذي صاحوا و إن...حملتي اعليهم أشن
و أرتجز هذا آنا بن...فاطمه
اشلون أكابر عالجرح أنسه الذي صار
مثل نار الدار تسري بمهجتي النار
أشعر بهاليوم و آنا بصدري مسمار
ما يطيب اصوابي إلا من آخذ الثار
بغير ثاري ما أهم...لنشر الراية ابعزم
و أكتب اعليها اسم...فاطمه
