تدريني خادمج تدريني...نجّيني ابرحمتج نجيني

فاطمه التوحيد بسمج حل بيانه...و بيج وضح ربنه تعذيبه و جنانه

الما يعرفج ما عرف أعظم مكانه...و اليذكرج طاهر بفضلج لسانه

جازيني يا طهر جازيني...نجّيني ابرحمتج نجيني

يا فضل ربنه التنزل بالبرية...انتي نسمات الهوه الفوق الوطية

ويه كل شهقة حروف اتسير بيه...يعني أنفاسي فضل من الزجية

يحييني اسمج اليحييني...نجّيني ابرحمتج نجيني

من زغر سني لقيتج ضي حياتي...اشلون أصدق ما تحضرين بمماتي

انتي حجي و عمرتي و صومي و صلاتي...و دونج ابعسر الدهر تصعب حياتي

لزميني خاف أزل لزميني...نجّيني ابرحمتج نجيني

اوداعة اجروحج و لتلبيها غالي...صورة المسمار ما تترك خيالي

انتي لول و الملك و الدنيه تالي...يا جواب الما يرد يمنة سؤالي

ترديني أذنب و ترديني...نجّيني ابرحمتج نجيني

بابج المحروق تسري بروحي ناره...و الجمر من عين دلالي يتجاره

كتبت احروف العشق هاي العباره...يمته يلفينه العدل و يجيب ثاره

ماذيني يا ضلع ماذيني...نجّيني ابرحمتج نجيني

عاشق وواضح دليل الحب بكائي...يالذي القبال عرشج كبريائي

ما أبطل لطمي و ادموعي و عزائي...لني بالدر اعلنت حبي وولائي

حزميني للطم حزميني...نجّيني ابرحمتج نجيني