نحيي الليالي الفاطميه...أحياء ميتين
اتوزعنه نص بالتعزيه...و نص بالميادين
الرايد يدلنه انقله...هيهات منا الذله
علمّنه الحسين
بالحديث الصادق احنا اللي ذكرنه
رحم الله قال من أحيا أمرنه
اصغار و بحب النبي و آله كبرنه
منهم اتعلمنه و اعله الهم صبرنه
شيعه الثريه إقبال اسمنه اتدنق الراس
عدنه الشعاير غاليه و أغله من الأنفاس
و نختار درب السله...هيهات منا الذله
علمّنه الحسين
بمدرسة بيت الوحي اتعلمنه الأمجاد
نار من يكثر حطبنه اللهب يزداد
صدره يضحك للحرب و ايده اعله الزناد
تلقه و اللي يقاتل ابدمعة السجاد
تلقه الأبو اليستشهد ابنه ايقله وفيت
ما أحسبه من ولدي اليموت ايقول بالبيت
ما أريده موت العله...هيهات منا الذله
علمّنه الحسين
فتوة المرجع بعد زادتنه دافع
صحنه حيدر واحد و ميصير رابع
اليجري بالمجلس عله الزهره المدامع
ادموعه يهديها لخوته البلمواضع
خوتنه احنه ابكل شي حته ابدمع العيون
حيدر أبونه و فاطمه أمنه و بينه يدرون
من كل شي هُمه الأغله...هيهات منا الذله
علمّنه الحسين
الزهره بالمجلس إجت بهدومها السود
ابجفها تمسح دمعة التجري اعله الخدود
و اليقاتل قلته يمته الدارك اتعود
قال ويانه بو فاضل هذا موجود
من استراح من الحرب ننعه و نبجيه
و اليم أبو فاضل بعد يا هو اليلاويه
احزام القمر شيحله...هيهات منا الذله
علمّنه الحسين
