عظم الله أجرك يا علي
غمّضت عين الأمل...و نزلت اطيوف الوجل...و نوخ المدمع عله اعتاب الرساله
ما بقت نسمة وفه...حاوطوها العاطفه...و الذكر قرر أهل ريبة اغتياله
و الجماد ابهم هتف...يا علي الكوثر نزف...و ما يصب دم الضلع ينزف جلاله
البيها يتوضه الفرض...ابلا معين اعله الأرض...و آنا أكابر و اللهب مني يتعاله
اليمها وحي الرب سجد...ينسطر من عدها خد...أحمر بلون الجمر بعيون خدها
الجانت ايحفها النده...هسه بجفوف العده...تنضرب و هيه الهدم ما مس جسدها
فاطمه و جيش الكفر...قصة احساس و كسر...قصة و لسان الزمن يرفض يهدها
الجنة عصروها و نزل...كلشي منها اويه الخجل...ذابلة أم حسين و تودع ولدها
صبرت و ما ظل صبر...مس طرف جفها الجمر...شمعة و إقبال اللهب ينزف عمرها
تهمس بإذن الخشب...و جوه شفتها اللهب...و الحديد ابلا رحم غافي بصدرها
وينه حماي الحمه...قله ضربوا فاطمه...قص ايديه يا حيدر القام و سطرها
خل يجي ايشوف الضلع...و يمسح بإيده الدمع...و الله فاطم ما بعد يحمل صبرها
