ليش أمي يا بو اتراب...تحجيلي يم الباب
تحجيلي يم الباب...ليش أمي يا بو اتراب
عن همي شفت أمي...تحجيلي يم الباب
قلت إلها ضلعج منكسر ييمه ماني بحاله
اعليش يم عون الجفن صب دمعته الهماله
قالت إلي ينتظرج صدر كل ضلع ما يبقى له
باجر تشوفين القهر من تهجم الخيّاله
أشرف مرضوض...باجر إلج معروض
باجر إلج معروض...أشرف مرضوض
عن منظر...يا حيدر...تحجيلي يم الباب
قلت إلها عن محسن وقع قالت لي بس مو ضامي
باجر يجيبولج طفل مذبوح نحره و دامي
هسه انتي و حسين و حسن يا يمه كل أيتامي
اثمانين جا طفلة و طفل عندج ينبض أيامي
باجر تجيج ايام...اتشيبج الأيتام
اتشيبج الأيتام...باجر تجيج ايام
عن وضعي...و عن دمعي...تحجيلي يم الباب
ما جاني حيدر من طحت خليها يمه ببالج
هم انتي لو طحتي بشدد ما يوصلج كفالج
و من شفت منجتف يمه بجيت الحالج
عباس لو ظل عالنهر وياه تموت آمالج
تهجم عليج الناس...ما يفزع العباس
ما يفزع العباس...تهجم عليج الناس
شمتني...و لزمتني...تحجيلي يم الباب
ما نمتي بأحضاني أمس اضلوعي جيه مهشومه
باجر رقية الهالوضع اتكرر عليج اهمومه
بالليل تقصد للأبو و ترجع الج مهضومه
امن الخيل ما يبقه حضن واويلي عالمحرومه
باجر حضنها ارماد...متقطعة الأجساد
متقطعة الأجساد...باجر حضنها ارماد
اتواسيني...اتوصيني...تحجيلي يم الباب
اتقلي عمري اثمنتعش و اهوايه بيني و بينج
عالتل تصدعج كربله و ستين يمه اسنينج
لزمتني فضه امن اوقعت شفتيها انتي بعينج
و لوطحتي من سوط الشمر قلي لي يا هو ايعينج
تسترني هالحيطان...بس انتي بالديوان
بس انتي بالديوان...تسترني هالحيطان
اعليج أنحب...يا زينب...تحجيلي يم الباب
