بمسلم و فقده و أليم اغيابه...عظم الله أجرج بهذا امصابه

مسلمك يحسين بالكوفة وحيد...و قلبك ابخوفه عليه لا ما يهيد

بثورتك مسلم مضه أول شهيد...اعليه جف الموت أطبق نابه

الكوفتك مسلم اختاريته سفير...و نزل بيها قائد بهيئة أمير

بين ليلة و يوم لن يصبح أسير...انقلبت اعليه يا حسين أصحابه

يذل لا حاشاه مسلم ما يذل...و بيها قرر سيفه من غمده يسل

بالحرب شمرة ابن عمك مثل...شمرة المرتضه داحي بابها

ابن عمك وحّده و بأبشع حرب...و موت الأحمر سيفه عالعسكر يصب

استوحدوه أهل الخيانة ابكل درب...و جم سهم جسمه المخضب صابه

القوم لا ما تمتلك غير الغدر...و داروا اعليه بالحرب من كل كتر

و نار حزنه و العطش بيه يستعر...آه يجمرة مسلم اللهابة