نـادى الـمنادي فـي الـسّماوات العليّه...جـبد الـحسن مـتقطّعه بـسم الـمنيّه

وحـسين يـمّه يـنتحب و الدّمع هامي...يـقلّه ونـينك يـالأخو نـحّل اعظامي
وشـعلّتك يـاباقي أهـلي وكـل عمامي...قـلّـه يـخـويه عـلّتي سـم الـدعيّه

بالله يـخويه حـسين دن الطّشت عندي...سـم الـلعينه يـاعضيدي فـت جبدي
هـذا يـخويه الـلّي وعـدني بيه جدّي...دنّـى الـطّشت يـمّه وجـبده مـلتظيّه

جـبده قـذفها و عـبرته ابـخدّه هتونه...وقـلّه دشـيل الطّشت لاتشوفه المصونه
ولَـتجي الحراير يا عزيزي و ينظرونه...خـوفي تـذوب اقـلوبها يَـبن الـشفيّه

دشّـت الـحورا تـلتفت لـشمال ويمين...شـافت طـشت مملي وهلّت دمعة العين
مـملي دما وصاحت ينور العين يحسين...جـبد الـحسن مـتقطّعه وتـخفي عليّه

نـادى ودمـع الـعين فوق الخد غدران...قـوموا تـعالوا اتـودّعوا مـنّه ينسوان
اعزيزج يَبنت المرتضى منّه الأجل حان...فـرّن ابـهمه و فـاضت النّفس الزّكيّه

و احـنى عـليه ايـقبّله ابـغرّة جبينه...ايـقلّه ابـفقدك مـوحشه الـدّنيا عـلينا
وارتـفعت الـضجّات مـن أهل المدينه...و الـكل يـنادي و دمـعته بخدّه جريّه

صـرخت الـحورا تنتحب والدّمع بدّاد...اتـقلّه يـنور الـعين يـاضنوة الأمجاد
لاويـن بـعدك تـلتجي لـو لـفت وفّاد...و انـت حـمانا و الـذي عـشنا ابفيّه