طفل احسين ضامي و الوگت حر...اويلي امن العطش چبده تفطر
تگله الطفل راح اللون منه * يبويه ما بگت بالطفل ونه
جف دمعه و جف اللبن عنه * او ضل ايلوج بالسانه او يفغر
يبويه ما ابعيني دمع و اسجيه * لو يرضى الموت بيه الساع لافديه
يبويه شوف چي سوى العطش بيه * يبويه امن العطش چبدي تفطر
قامت شالته او جت الوليها * فك اعوينته يبحر عليها
تخيل جايبه اميه بديها * شاله احسين و ادموعه تنثر
قامت تستدير اعيون طفله * شبح عين لبوه او عين لاهله
آيس شاف ميه ما حصل له * رد غمض اعويناته او سكر
شمه او حبه ابصدره او خده * او چبد احسين يابس مثل چبده
يبويه ما بعد للعيش رده * او هو ايحاچيه و لن سهم المگدر
