ليش أظلم هواها و السما احمر...أثاري احسين من فوگ المهر خر
يرضنا اليوم ميدي و يا سما مور * او بعد احسين يا ماي البحر غور
يا گلبي دذوب او يا دمع فور * او يا چبدي على افراگه تفطر
هوى و المهر گام ايحوم دونه * يحامي عن وليه من يجونه
خاف الگوم لنهم ياخدونه * او يركبه غير خياله لمشكر
عگب ما آيس الطماع منه * رد روعه او راح الخوف عنه
صهل و اعول او حن او جذب ونه * سحب صرعه او لعند احسين سدر
جنح فوق راعيه او شمه * او صار اضلال دون الشمس يمه
مرغ وجهه او ناصيته ابدمه * او نادى بالظليمه و للخيم فر
بچت سكنه او نادت بالمذله * يعمه المهر حط بالقلب عله
طلعت صارخه زينب تگله * يمهر احسين وين احسين خر
