» لولا وجودج عالأرض...ما صارت الدنيه  » سولف إلها...زينب اتغير شكلها...سولف إلها  » مدري اليا مصاب اليوم...تبجي و تنحب الزهره  » نار المصيبة ابعيني...تنزف ألم و اعتاب  » محتاره لمن تودعيني...يا يمه عندمن تخليني  » شيصبر الدمع...يا حيدر  » بين الضلع و الباب...تبدأ مسافاتي  » يبني وينك...يبني وينك يُمه أخذت الروح  » على عتبة يقيني...انطوت صفحة سنيني  » شيعي و بدين الشعائر آمنت  

  
  • أضف الموضوع


  • الشاعر المرحوم الشيخ محمد بن نصّار
    18/12/2016م - 11:38 م | عدد القراء: 534

    مرقد الامام الحسين (ع)


    فك احسين عينه و الدمع خر...ليل او فوگ جرحه يجلب أحمر

    ناداها ابضعيف الصوت يا ختي * مهو حچيچ شعب گلبي دسكتي
    ينور العين خليني ابمهجتي * أعالجها ترى گلبي تمرمر

    بچت عنده او گالت له يعگلي * يروحي او نور وجهي او باجي أهلي
    يخويا احسين شتهيس ذگلي * يخويا اليا صواب اليوجع أكثر

    يگلها اصواب الي ابويهي يضدني * و لي ابراسي حمس چبدي و ضدني
    و لي ابضلعي بهض حيلي و ضهدني * و لي ابگلبي يخويه يوجع أكثر

    يخويه يابس امن العطش چبدي * يخويه و التراب احرگت زندي
    يخويه و الشمس احرگت خدي * دفيني ابردن ثوبچ امن الحر

    يخويا ما أحب سكنه تجيني * تشوف اجروحي أو تسمع ونيني
    مالي گلب أشوفنها ابعيني * ذليله او ما لها والي الينغر

    يخويا لا تليعي الگلب بالله * و ببني علي الله الله
    يخويه بعد عيني إلكم الله * او ذكريني و كل امصاب يزغر

    يحاچيها او تصب عينه ادموعه * لن گلبه انخفى و احنت اضلوعه
    غمض عينه او صارت بيه موعه * هوت يمه او دمعها اعليه ينثر

    تشم احسين و تجلب ابجرحه * او لن الشمر يدفعها ابرمحه
    گومي لو أدبحچ فوق ذبحه * و خليها ابعمر الدهر تذكر  



    موقع القصائد الولائية © 2004 - 2013