يالله يوحي السمه...خَيّط جفن فاطمه
يا جبريل... يا جبريل
ها يمرسال الجلالة الليلة قلبك منفجع...عِنْدَ ذِي الْعَرْشِ مَكِينٌ للمصاب ابيا وضع
من جناحك شيل منه و ضوه من الجنة و دمع...الفاطمه خيط جفنها و نزله الأم الضلع
دمعة ملك هايمه...خَيّط جفن فاطمه
يا جبريل... يا جبريل
خمسة أكفان الجلالة و هالجفن ثالث جفن...للنبي و ثاني الخديجة الثالث الأم الحسن
ينتظر حيدر تجيبه ايحضنه و ادموعه همن...حته ما ياذي ضلعها واسع اتفصله عسن
توصية حامي الحمه...خَيّط جفن فاطمه
يا جبريل... يا جبريل
أدري و يصور خيالك و الله يا روح القدس...للجفن لو ردنه نعدل صعبة تنلف الشمس
خلي هذا الجفن واسع هالطلب آنا ألتمس...من تشد أزار فاطم بالألم لا لا تحس
ابنور العرش صممه...خَيّط جفن فاطمه
يا جبريل... يا جبريل
من ورود الجنة يصبح هالجفن من ينفرش...و بتواصيف النبوة اخيوطه نور من العرش
الثار يالمهدي اعله وجهه ابريش جنحك ينقش...بلكي من يكشف جفنها ضلع فاطم ينتعش
من جفنك البيه دمه...خَيّط جفن فاطمه
يا جبريل... يا جبريل
ها يجبريل بدموعك حوكه و اسمع مطلبي...ردت بقماش التخيطه ايكون بيه ريحة نبي
و امزج اويه الجفن ذرة اتراب تل الزينبي...من تشوفه تشوف صورة اشلون زينب تنسبي
دمع اليتامه الهِمه...خَيّط جفن فاطمه
يا جبريل... يا جبريل
فاطمه تنزل قبرها و الجفن إلها يلم...بس يجبريل أرد أخبرك انت هم عندك علم
بقاع إسمها الغاضرية صدر ابنها ينهشم...ابلا جفن عاري ثلاثا حسين من عنده الجسم
حين اليمسه الضمه...خَيّط جفن فاطمه
يا جبريل... يا جبريل
