يا رواسي الصبر...من صبر فاطمه
عن ربيع العمر...ماتت اميتمه
يا صبر أيوب يخجل من صبرها...رجع عمره و ما رجع فاطم عمرها
بظهر أبوها و جان حيدر منتظرها...ليلة القدر اليشكون بقدرها
سر ليالي القدر...بالأرض و السمه
عن ربيع العمر...ماتت اميتمه
يدري خلف الباب و الناصب دفعها...آه صاحت فاطمه و ربك سمعها
رادت اتطيح السمه و حيدر رفعها...نزل جبرائيل يتوضه بدمعها
و بضلعها الكسر...تشكي متألمه
عن ربيع العمر...ماتت اميتمه
بباب فاطم للغدر باعوا بطولة...أمس يم خيبر نسو معنه الرجولة
نسو فاطم سر كتاب الله و نزوله...لو رسوله المرأة جا صارت رسوله
الثاني يوم الحشر...بيدها اتحاكمه
عن ربيع العمر...ماتت اميتمه
يوم غسلها علي و دنگ عليها...أثر نار الباب شافه بجف ايديها
بجت عينه و ما قدر يمنع بجيها...مو ضلع واحد عرف مكسور بيها
اضلوعها البلصدر...كلها متهشمة
عن ربيع العمر...ماتت اميتمه
كل حزن يعقوب ما يوصل حزنها...ابنه ما ميت مثلما مات ابنها
حاربوها و ما غفت ليلة بوسنها...بعد أبوها و لبسّوا فاطم جفنها
من زغر للقبر...عالبعد عازمة
عن ربيع العمر...ماتت اميتمه
عاين الزينب علي و نزلت دمعته...قلها وي فاطم طفت بيتج شمعته
اتقله ليش الموت عنها ما منعته...قلها و الله بروحي لو يرهم دفعته
مو بيديه الأمر...قلها حامي الحمه
عن ربيع العمر...ماتت اميتمه
أمي غابت و الشمس عافت سماها...جنت أكحل عيني كل يوم بضواها
بوية صار البيت فارغ من وراها...و جان كل شي بجسمي يتنفس هواها
أمشي فوق الجمر...منها متعلمة
عن ربيع العمر...ماتت اميتمه
