هذا صوت و زلزل اعروش السمه...بجّت الآملاك دمعة فاطمه

بعد أبوها ما نشف مجره الدمع...ليش حته من البواجي تمنع

حاربوها و هشّموا منها الضلع...و أمست بنار المصايب مضرمه

صحنه و الله اعله الزمن مدري شنقول...خاف باجر جرح دنيانه يطول

هاي زمرة و ما رعت حق البتول...يمته ثار الزهرة يظهر قائمه

بين موجات المدامع و الجمر...كل مسية ننتظر مهدي العصر

صحنه يالمحجوب عجل بالأمر...إخذ ثار أمك و خوض الملحمة

سيدي يا يوم تخفق رايتك...و ترد لديارك و تبني دولتك

غيرة العباس عمك غيرتك...قوم و اسرج خيلك اعله الغانمة

قوم و اسرج خيلك الأرض البقيع...ابيا ذنب قبر أمك الزهرة يضيع

اطلب بثارات محسن و الرضيع...جرد الصارم و انصب محكمة