أسألك يا نهر وينك...عليمن روج الـــ بعينك...بجيته
أذكرك بالأخذ روحك...أريدك تقره بجروحك...وصيته
اشكتب لك عالجروف...قبل قطع الجفوف...وصيته
قلي اشصار من القيت على متنك قمر واقف...صدق يا ماي أحلفك قول من نوره قبل شايف
إجه ببالك ترحب بيه لو منه جنت خايف...تره معذور إذا حسيت ريجك يا نهر ناشف
أعذرك موقفك حيرة...اعله جرفك صاحب الغيرة...تعنه
أشوفك حيرتك رايك...عنك يبتعد مايك...تمنّه
يلبعينك تشوف...قبل قطع الجفوف...وصيته
و حقك ما تعرف اشجان عنك يا حزن يخفي...بأفكاره سبية اتصيح شوف اسياط البجتفي
انت امزعله لكن راد عنك يا نهر يعفي...لو باني منارة ماي لتظن تقدر اتوّفي
إرسمه واوصف بزوده...وقفته من حضن جوده...يمينه
صمود ثورة اجروحه...غيور و ميزته اجروحه...حنينه
حجالك عالطفوف...قبل قطع الجفوف...وصيته
أسألك من حجيت اوياه سوالف بينك و بينه...هم يدري الجفوف اتطيح و يصيب السهم عينه
أفهم من كلامك جاي يندل القدر وينه...بس عنده المهم يروح روج ايودي لسكينه
أخذها و ضمها بأنفاسه...أمانه بجربة إحساسه...حملها
حماها بجرحه و آهاته...أخذها للي خطواته...أملها
خفاها من السيوف...قبل قطع الجفوف...وصيته
إذا شفته ابتسم يا ماي من قلته ترد سالم...لتظن باله جان اوياك جان بحنة القاسم
أكو بقلبه أخو متانيه جان الشوفته صايم...و بروحه جرح بيه جان عبدالله الطفل نايم
مخيم شايل بباله...يحن و شوفة اعياله...بعيده
يعرفه الحاول يرسمه...هذا الكل حرف باِسمه...قصيدة
قمر ما بيه خسوف...قبل قطع الجفوف...وصيته
من شفته إلتقه اويه الجيش جنت اتعاين المنظر...مستغرب عدل ظليت ما حاولة تتبخر
أقل شي تقدر اتسويه بس اتبلل العسكر...حته انقول من نقراك دافع عنه باليقدر
يمكن حاولت تفزع...و هوه ما قبل تطلع...تقاتل
مشيت بكلمة القائد...غيره ما قبل واحد...ينازل
برز ضد الألوف...قبل قطع الجفوف...وصيته
بسهوله اتوادعت وياه لو فارقته بالقوة...عليك بداعت العباس فقد الكافل اشسوه
حسيت بعطش من راح صدرك من مشه اتجوه...ما ندري النهر يا ماي ساعتها انت لو هوه
و أحسدك يا نهر بعده...حياتك صارت بفقده...غريبة
يحقلك تبجي عالكافل...أعذرك أبو فاضل...مصيبه
رحت يمه تطوف...قبل قطع الجفوف...وصيته
