» ساوموني...و آنا ما ساوم على بيعة أميري  » يا علي الأكبر صفاتك من صفات الأنبياء  » نور لعيوني و ضواي...من هواك اشتم هواي  » يم بابك و محتاج مديت اديه...كل مائدة جبريل نزلت عليه  » يا با الفضل جيب الماي لطفالك العطشانة  » هوسات في حق العباس بن علي عليهما السلام  » قوم هذي رايتك...يا با الفضل  » أربع كواكب متقدمه...هدية مني يا فاطمه  » ابجاه النبي و فاطمه و علي...أتمنه ترجع يحسين إلي  » يا بالفضل أدريك...همة علي اتباريك...يا شمعة اسنيني  

  
  • أضف الموضوع


  • الشاعر ناظم الحاشي
    13/11/2017م - 9:26 م | عدد القراء: 285

    مرقد الامام الحسين (ع)


    يا علي الأكبر صفاتك من صفات الأنبياء
    الشافتك قالت محمد ويه سبطه بكربلاء
    يا شبه يحيه الذبيح...يوسف و عيسه المسيح
    يا علي الأكبر صفاتك من صفات الأنبياء

    نورك و جدك سوه...ضوه و نازل من ضوه...طلعتك طلعت محمد نورها
    انت مثله اتوصفت...بحضن سبطه اترعرعت...و احملت ضيم الطغاة و جورها
    حسين رادك للحرب...سيف لليوم الصعب...و انت هيبة كربله و عاشورها
    انت يا شبل الملاحم بيك من عمك صفات
    مثل عباسك تركته ما ضقت ماي الفرات
    جبل ثابت ما تطيح...يا شبه يحيه الذبيح

    بكر ابن غانم خسر...عمره يمك من ظهر...ما عرف سيفك حسيني و حيدري
    ذكّريته بكل فخر...يوم بالسيف انشطر...ذاك ابن ود اللعين العامري
    مثل جدك من حمل...كسر خشم أم الجمل...يوم قادت جيش أمية الخيبري
    جان ضد إعداك سيفك مثل شمرة ذو الفقار
    يا قرار الموت عرفوا من علي الأكبر قرار
    أسد لكنك جريح...يا شبه يحيه الذبيح

    من تنخيت بعلي...ردت همك ينجلي...و الزلم مالت بسيفك روسها
    كلها قالت حيدرة...كسر جيش الميسرة...طبها و الميمنة ابعزمه ايدوسها
    نار شبت غيرتك...حسين ثاني بصولتك...أثر جدمك واجب احنه انبوسها
    ما كو مثلك بالشجاعة ما كو مثلك بالجمال
    صوره من صورة محمد كامل و كلك كمال
    إنت دين الله الصحيح...يا شبه يحيه الذبيح

    واوقفت وقفت زلم...بأشد موقف تبتسم...و الزلم منك تقيس أفعالها
    انت سيفك زلزلة...نزلت بطف كربله...و غيرتك مهره و جنت خيّالها
    ريح تكتل من تهب...بألف فارس تنحسب...و بيك زينب يبن أخوها آمالها
    زلزله و نزلت عليهم و اقترب يوم الوعيد
    طيحت عرش آل أمية و دمرت دولة يزيد
    يعجز اوياك المديح...يا شبه يحيه الذبيح

    عطش بالطف و تعب...و انت سويت العجب...من خيم زينب زلم ردّيتها
    حاربت سبعين ألف...و دم زلمهم يعترف...يا علي الأكبر جثث خليّتها
    بيضّت وجه النبي...من رفضت الناصبي...و آل أمية بصارمك ذليتها
    حاربت فكر النواصب حته فكرك يعتلي
    علّمت يا علي الدنيه اتصيح بعدك يا علي
    بالمعارك تستريح...يا شبه يحيه الذبيح

    من شلت سيف النصر...و الله مدك بالصبر...و العساكر ضيعت مشرادها
    هذا موقف للزمن...لابس اهدومك جفن...و انت أول جف رفض أصفادها
    صوت من نحرك شهد...قل هو اللهُ أحد...و دمك النال الشهادة و رادها
    انت قربان الشهادة منهج الدين الحكيم
    انت نور الباري نورك عالصراط المستقيم
    منهج الحق الصريح...يا شبه يحيه الذبيح

    حسين من شافتك...صاح لك ما قصرت...و جدك المرسل تخبره اشما جره
    قله بوية اعله الأثر...و عمي يوقع عالنهر...و آل بيتك عالتراب اموذرة
    حرقوا اعلينه الخيم...انذبح عبدالله ابسهم...و زينب و كل النساء اميسره
    جازوا العترة الشريفة كلها بألوان العذاب
    خالفوا شرع النبوة خانوا آيات الكتاب
    صار قول الحق شحيح...يا شبه يحيه الذبيح



    موقع القصائد الولائية © 2004 - 2013