» بعد ما أعتب عليكم...لا تجوني و لا أجيكم  » كَانَتْ صَلَاَةً مُفْرَدَة...عَلِيلَةً وَ مَقْعَدَة  » ريت السافر ايعود...ما جرحّت الخدود  » روحي و انت باقي ببالي...الغالي ما يتعوض الا بغالي  » نَائِمٌ يَا لَيْتَكَ الْهَنا...أَمُكَّ اِعْتَادَتْ عَلَى الْعَنَا  » الموعد بمقتلي...نلتقي يا علي  » حته لو ما عاجبك...سيفي راح يحاسبك  » ماتت دللول الولد...و الحضن فارغ و المهد  » حيَّ على...أطهر جسد حيَّ على صبره  » هذا عنواني...آنا مجنون الحسين  

  
  • أضف الموضوع


  • الشاعر هيثم سعّودي الكربلائي
    13/04/2018م - 12:21 م | عدد القراء: 647

    هيثم سعودي الكربلائي


    آنا الغريب العل جسر...عدواني خلوني...يا شيعه سمعوني

    آنا العشت ضيم السجن بالغربه...محنة عذابي للرضيع إتشيبه
    عيني إعله أهلي من السجن مترقبه...و سجاني قاسي و ما كو رحمه إبقلبه
    أهل الضغاين بالغدر...وليه تولوني يا شيعه سمعوني

    إبسجن النوايب و النواصب ضدي...و نكروا جلالي و إنتسابي الجدي
    و الموقف الهيج جمرتي إبجبدي...مثل أمي سجاني سطرني إبخدي
    مثل أم ضلعها المنكسر...عالوجنه سطروني

    عالوجنه سطرة عاذلي مطبوعه...و أغلالي بيدي و للسمه مرفوعه
    و كلما أشوف إجفوفي أبجي إبلوعه...و أذكر إجفوف الجافل المقطوعه
    و أسمع نحيب أم الخدر...يا جافل إضعوني

    إبسجن إبن شاهك تنقضي أيامي...عاشور حزني و الظلام إخيامي
    و من أذكر أطفالي تمر جدامي...صورة رضيع حسين جدي الضامي
    و بقلبي ناري تستعر...و دم تهمل إعيوني

    عمري يمر بين السجون الضيقه...و روحي إعله أبواب الأمل متلعقه
    و من يحترق قلبي إبلهيب الفرقه...أذكر إخيام آل النبي المحترقه
    و أتذكر أطفال و شمر...في ظلمة إسجوني

    جم محنه بالغربه تمر إببالي...و صابر على حكم القدر دلالي
    من اهلي و إخواني قطعت آمالي...و سم المنيه عجّل بآجالي
    جرعوني بالسم و أحتضر...يا من تودعوني



    موقع القصائد الولائية © 2004 - 2013