» لاح البدر بازغ من خيام النّساوين  » ياللي تهلّين المدامع فوق الخدود  » ادركني يَبويه وجيب لي قطرة اميّه  » ودّع علي لكبر النّسوه وودّع حسين  » بطّل علي لَكبر ونينه وفتّح العين  » قومن خوات حسين لحسين انتلقّاه  » شع النور من غرة نبينه...وازدانت مكة و المدينة  » صلوات صلوا على احمد يا سامعي الصوت  » الهادي إسمه...أحلى الأسامي  » يا بني القلب ذاب...شوفوا اشهالمصيبه  

  
  • أضف الموضوع


  • الشاعر كرار حيدر الخفاجي
    11/09/2018م - 6:07 م | عدد القراء: 375

    ملا جليل


    آه يحسين و امصابه


    يا قصة العشق الكبر من المهد بحساسي...لو ريتي يخنقها الهوه اسمك يرد أنفاسي
    و بخدمتك من مبدأي ربّوني أهلي و ناسي...راسي رفعته اعله البشر جيه انت تاج براسي
    قلبي يصيح و اجوابه...آه يحسين و امصابه

    كلما يعود محرمك بيه الحزن يتجدد...أهدي إلك سجدة شكر و ألبس الثوب الأسود
    و أتوجه الصوب العزه ألطم و أنوح ابلا حد...و أدعي يطول عمري و العاشور الآخر أمتد
    جمرة اعليك لهابة...آه يحسين و امصابه

    عمري فنيته و العزة و المنبر امربيني...ضيعيني و بموكب عزة ألطم وأون تلقيني
    حته من أكف دمع النظر من كيفها اتهل عيني...و الماي كلما أشربه يبجيني ما يرويني
    تبقه العين سجابه...آه يحسين و امصابه

    و ادعيت من الله بعد أكثر يزيد أيامي...حته أكثر أنحب عالوقع فوق الترايب دامي
    يا ريت ما أهنه بعذب و حسين ميت ضامي...عالكسروا اعظامه ردت ألطم و أكسر اعظامي
    صدري يهون بصوابه...آه يحسين و امصابه

    و اشلون ما تشجي القلب يالغالي من يذكرك...و بكربله سيف الشمر من القفه يحز نحرك
    و سهم المثلث من دخل صدرك طلع من ظهرك...عشرين ضلع و أربعه كسرت الخيل بظهرك
    نحرك فاض بخضابه...آه يحسين و امصابه

    يا سيدي و يبقه الحزن بيَّ متبرد ناره...إلا يجي المهدي و يسل بيمينه ذو الفقّاره
    يكسر اخشوم الناصبة و منهم يطالب ثاره...الحارق ليه خيمة بكربله فوقاه يحرق داره
    المهدي يصيح بغيابه...آه يحسين و امصابه   



    موقع القصائد الولائية © 2004 - 2013