» لاح البدر بازغ من خيام النّساوين  » ياللي تهلّين المدامع فوق الخدود  » ادركني يَبويه وجيب لي قطرة اميّه  » ودّع علي لكبر النّسوه وودّع حسين  » بطّل علي لَكبر ونينه وفتّح العين  » قومن خوات حسين لحسين انتلقّاه  » شع النور من غرة نبينه...وازدانت مكة و المدينة  » صلوات صلوا على احمد يا سامعي الصوت  » الهادي إسمه...أحلى الأسامي  » يا بني القلب ذاب...شوفوا اشهالمصيبه  

  
  • أضف الموضوع


  • الشاعر أبو علي الناصري
    12/09/2018م - 5:45 م | عدد القراء: 423

    مرقد الامام الحسين (ع)


    شافوا دمعه بعيوني...عليمن تبجي نشدوني

     

    يهالتنشد أمر هالدمعه مو يمي...لا بيدي عواطف دمعتي و دمي

    سبب من الحليب الراضعه من أمي...عرفته من قبل ما أسمع بإسمي

    مغرم لا تلوموني...عليمن تبجي نشدوني

     

    جنت آنا بحضنها تبجي و تنعه...إذا قاري بمصيبة كربله اتسمعه

    على خدها تسيل الوالدة الدمعه...تجري اويه الحليب و روحي اترضعه

    بوجهها شابحه اعيوني...عليمن تبجي نشدوني

     

    جانت من تهز مهدي يهيج إحساس...تتذكر رضيع حسين يا هالناس

    تقطمني و تظل تبجي و تدق عالراس...تذكر قطعت اجفوف القمر عباس

    هلي عالدمعه فطموني...عليمن تبجي نشدوني

     

    مشيت ووالدي بيدي يمشيني...لابس ثوب الأسود شافته عيني

    المجالس فاطمه الزهره يوديني...بثواب الدمعه و الخدمه يوصيني

    و ناس اللي يشوفوني...عليمن تبجي نشدوني

     

    مرت عالمحبه و هالولاء اسنين...وبدت هالدمعه تكبر وي جفن العين

    تهمل من يمر اسم الشهيد حسين...يهالتنشد أصلها اعرفته جاي امنين

    بحزني و نوحي خلوني...عليمن تبجي نشدوني

     

    حسين اتهيم روحي من يمر اسمه...من أهلي ورثت الدمعه و الخدمه

    قليل بحقه كل هذا الذي انقدمه...العالم ما يعادل قطره من دمه

    أخدمه و كلها يدروني...عليمن تبجي نشدوني 



    موقع القصائد الولائية © 2004 - 2013