آه اعليك يا سيدي...آه اعليك يا سيدي

للهادي يا ريحانته...بيك استنارت أمته
انت المنار السنته...و احنه بشعاعك نهتدي

يحسين إلك راية عدل...و بظلها مجموع الشمل
احنه بولائك نتصل...و بسيرة الحق نقتدي

بأمجادك الما تنحصي...شانك أبد ما ينتصي
ابثورة شرف يبن الوصي...هدمت عرش المعتدي

لمن نزف دم النحر...وهج مشاعل للبشر
المجدك سجد هام الدهر...يا منقذي و يا منجدي

سيف المكايد وزعك...هز العوالم مصرعك
يا ليتنا كنا معك...و قبلك نضحي و نفتدي

جسمك توزع بالطعن...و اثلاثة ظل ابلا دفن
نتوشح بثوب الحزن...لمن محرم يبتدي

اهلال الحزن لمن يهل...من كل جفن مدمع يهل
اعليك الجوانح تشتعل...و ادموعي صارت موردي

قلبي من الهموم انضهد...من الدمع شوفي انفقد
هالحزن من قبل المهد...من قبل ساعة مولدي