» بعد ما أعتب عليكم...لا تجوني و لا أجيكم  » كَانَتْ صَلَاَةً مُفْرَدَة...عَلِيلَةً وَ مَقْعَدَة  » ريت السافر ايعود...ما جرحّت الخدود  » روحي و انت باقي ببالي...الغالي ما يتعوض الا بغالي  » نَائِمٌ يَا لَيْتَكَ الْهَنا...أَمُكَّ اِعْتَادَتْ عَلَى الْعَنَا  » الموعد بمقتلي...نلتقي يا علي  » حته لو ما عاجبك...سيفي راح يحاسبك  » ماتت دللول الولد...و الحضن فارغ و المهد  » حيَّ على...أطهر جسد حيَّ على صبره  » هذا عنواني...آنا مجنون الحسين  

  
  • أضف الموضوع


  • الشاعر ناظم الحاشي
    19/09/2018م - 11:19 ص | عدد القراء: 180

    مرقد الامام الحسين (ع)


    شفت رب العرش حل إنتقامه...دعيت و أجّلت يوم القيامه
    بالأجساد السليبه...ترجيته بحبيبه
    دعيت و أجلت يوم القيامه

    خطف نور البصر لمن نزل جبريل...شفت غطه الجسد بجناحه ميكائيل
    تعذر ما قبضها الروحه عزرائيل...و هد ركن العرش من صرّح إسرافيل
    شفت كل الرسل نزلت تشوفه...تنوح اعله الجسد ظلت تطوفه
    بالجفوف الخضيبه...ترجيته بحبيبه
    دعيت و أجلت يوم القيامه

    آدم ناده نوح و صاحوا الموسه...و يوسف ما تركها ادموعه محبوسه
    محمد أذّن و دق عيسه ناقوسه...حسين اخيول امية بكربله اتدوسه
    خذوا ثار البدر من دم رسوله...و لا راعوا كتاب الله و رسوله
    و لا راعوا مصيبه...ترجيته بحبيبه
    دعيت و أجلت يوم القيامه

    شفت مريم تواسي بهاجر و ساره...و بالطف فاطمه الزهراء محتاره
    تلم بأشلاء جسمه و تطلب بثاره...و قلب أم البنين امناطر أخباره
    هتف صوت النحر للرب دمانه...أمانة و ردت الربها الأمانة
    دفعنه الدم ضريبة...ترجيته بحبيبه
    دعيت و أجلت يوم القيامه

    شفت جدي الرسول برقبته يشمه...و علي الكرار مكسور الظهر يمه
    و شفت عمي الحسن يتخضب بدمه...و أملاك العرش يم نحره ملتمه
    شفت نار و نزل دمع العقيلة...ضعنها اعله الترب طايح كفيله
    بقت بالطف غريبه...ترجيته بحبيبه
    دعيت و أجلت يوم القيامه

    ما صار البشر هذا الجره اويانه...أطفال بمهدها اتموت عطشانه
    و روس اعله الرماح أمست سبايانه...و فوق المشرعة العباس ذرعانه
    فلا مرت بشر هاي المصيبة...عقيلة هاشم الظلت غريبة
    و طفل مات بنحيبه...ترجيته بحبيبه
    دعيت و أجلت يوم القيامه

    شفت صبر العطاشه و دمعة الأيتام...و بنات الشرف مسبية برض الشام
    من كثر العذاب و شدة الآلآم...ما كو اعيون ظلت عالمصيبه اتنام
    شفت عين النبي بدمعة رقية...بجيت و شارفت روحي المنية
    قمر ظل بمغيبه...ترجيته بحبيبه
    دعيت و أجلت يوم القيامه



    موقع القصائد الولائية © 2004 - 2013