» المجالس الفاطمية-المجلس العاشر  » المجالس الفاطمية-المجلس التاسع  » المجالس الفاطمية-المجلس الثامن  » المجالس الفاطمية-المجلس السابع  » المجالس الفاطمية-المجلس السادس  » المجالس الفاطمية-المجلس الخامس  » المجالس الفاطمية-المجلس الرابع  » المجالس الفاطمية - المجلس الثالث  » المجالس الفاطمية:المجلس الثاني  » المجالس الفاطمية-المجلس الأول  

  
  • أضف الموضوع


  • الشاعر ناظم الحاشي
    29/09/2018م - 9:59 م | عدد القراء: 223

    مرقد الامام الحسين (ع)


    لو نزف دم النحور...تشتعل نار الصدور

    يوم دفنك يالحبيب...نور شمسك ما تغيب

    تشتعل نار الصدور

     

    يا هو يدفن شمس ما غابت ضواها...و يا هو يقدر يخنق الريح بهواها

    حسين شمس الله البقت تضوي بسماها...القاع يوم حضنته اتشرف ثراها

    نور باقي ابكل زمان...حبه للناس امتحان

    اشما تشعر قريب...يوم دفنك يالحبيب

    تشتعل نار الصدور

     

    اشلون ايديهم طاوعت تذبح وريدك...اشلون قطعوا خنصرك عن خاتم إيدك

    اشلون كسروا ظهرك بغيبة عضيدك...عجب يا جبريل ما تدفن شهيدك

    عاري باقي ابلا رداء...خامس أصحاب الكساء

    و الجسد بالطف سليب...يوم دفنك يالحبيب

    تشتعل نار الصدور

     

    احنه لو نعرف تصير و ما كو مانع...بقبره ما نشعل شمع نشعل أصابع

    لو بجت عينك حديث الجده سامع...تغسل اذنوب البشر نار المدامع

    تغسل بحبه الذنوب...توبه للرايد يتوب

    بإسمه ربك يستجيب...يوم دفنك يالحبيب

    تشتعل نار الصدور

     

    كل قلب شيعي رسم لحسين صوره...يعاين القلبه إذا رايد يزوره

    حته ما يطفه و يظل بالكون نوره...شيعي يوم العاشر يبين شعوره

    يوم عاشر من تطيح...دمعه لحسين الذبيح

    كل ألم عند يطيب...يوم دفنك يالحبيب

    تشتعل نار الصدور

     

    هذا يا باغي العليك امتدت ايده...و ذبح من جان النبي ايشمه بوريده

    الله يلعن ترثته و ترثت يزيده...و يلعن أتباعه و اليحبه و يريده

    الله يلعن من يريد...ايشكك بلعنة يزيد

    و ما بجالك يالغريب...يوم دفنك يالحبيب

    تشتعل نار الصدور

     

    لو نظرنه الحاضر و ماضي القضية...انجان شفنه اليوم صورة آل أمية

    اشلون ينذبحون أسره الجعفرية...لو ما حشدك جم مرة الراحت سبية

    لو ما صولات الحشد...الحره يسبيها العبد

    تكثر أصوات النحيب...يوم دفنك يالحبيب

    تشتعل نار الصدور



    موقع القصائد الولائية © 2004 - 2013