» وشْهالعرس لَقشر عليّه يامسلمين  » طلعت سكينه تجذب الونّه خفيّه  » يالّذي اعله المشرعه ظلّت رميّه جثّته  » خجلانه اهواي...يا جاري الماي  » مشينه سوه الدرب...حفظناه عله القلب  » يا مالكَ الشُّعورِ و اللّا شُعورْ...سَـعْـياً على الرؤوس جئنا نزورْ  » تحياتي و سلامي...معَ كل إحترامي  » عجب يالناشدت ليش الدمع يجري  » سلام عالحره و أخوتها...كتاب ما يروي قصتها  » يا بو الأكبر نظل وفايه  

  
  • أضف الموضوع


  • الشاعر ناظم الحاشي
    30/09/2018م - 8:49 م | عدد القراء: 197

    مرقد الامام الحسين (ع)


    ليلة سابع بهاي المسية...خل نعلق شمع للغاضرية

    يا ناعي البين قلي من عبيهن...و أشوفهن و زينب من عبيهن
    العباية تشدهن من عبيهن...أخاف اتطيع منهن هاشمية

    عليمن شامت بفرقاك يحسين...بناتك بالهضم و الخوف يحسين
    على صدرك تدوس الخيل يحسين...هذا الشمته الزهرة الزجية

    الحزن بعدك يبو فاضل خيمنه...و لا والي البقه و لا من خيمنه
    يا عباس حرقوهن خيمنه...البيدك نصبتهن عالوطية

    مثل الشمع عودي سّلمني...سواد العين بالطف سلمني
    المصايب للمصايب سلمني...امناوب و الشمر يفتر عليه

    وينك يالجنت لهلك وقلهم...ولاجنك كبير إلهم وقلهم
    تمنيتك عدل بويه و أقلهم...أصيحن حيدره لليمر عليه
    *ناظم الحاشي
    بربيعج ليش عفتينه يزهره...و ريق اعداج من غيرج يزهره
    جسم حسين ظل عاري يزهره...و راسه اعله الرمح و آنا سبية

    ايتلايم غيم حزني عليّ سمعاي...و بعد حسين صار الماي سمعاي
    أمس صوت الهوه ما يمر سمعاي...و عِله صوت الشمر هسه عليه

    يقلبي امنين اجاك اليوم طفلاك...و جم نور اعله نور الوجه طفلاك
    خويه حسين قطعوا راس طفلاك...و عله نحرك صبر ماتت رقيه

    وينك يالعليَّ اسنين ظليت...عميت و للدرب بجفاك ظليت
    علي بويه غريبه اليوم ظليت...خذوني اميسره و مشدوده ايديه

    يعمه الكون يسجد من أذاني...و خوله بغير رحمه من أذاني
    التراجي حيل جرهن من أذاني...و غدن يجري دمه و يضحك عليه
      



    موقع القصائد الولائية © 2004 - 2013