بطّل يجاسم ونّتك...و اسمع يَبَعد اهلي النّحب
بالدّمع لَغسل طبرتك...جاسم يريحان القلب

بطّل يَعَقلي ونّتك عمّاتك بكترك تحن...يَبني اليلوح ابغرّتك يا مهجتي نور الحسن
شافن ملبّس يالولد ثوبك تفاصيل الكفن
يا هو شرقها هامتك...جاسم يريحان القلب

شمعة شبابك يا شبل يا حيف بالسّرعه انطفت...شعّات وجهك يالبدر وسفه من البيت اختفت
شبّيت نار بمهجتي و قلوب عدواني اشتفت
قلبي يفز ابشوفتك...جاسم يريحان القلب

جسّام يا شبه الحسن ونّاتك تفت الكبد...بهداي ون يا سلوتي قلبي تراهو ينمرد
هسّا اطلعت من خيمتي بهالحال يعيوني ترد
من دم راسك حنّتك...جاسم يريحان القلب

قومن يعمّات الولد للقبر سوّن زفّته...و بدموم عبّاس البطل و الدّمع نعجن حنّته
و انتي يَزينب هلهلي و الولد جيبي بدلته
دقعد او ودّع عمتّك...جاسم يريحان القلب

قلها و قطعها ونّته أدري تفتّك ونّتي...لكن دهيدي من البكا و سمعي يَثَكلى وصيّتي
لو شفتي شبّان الخلق ذكري شبابي و صرعتي
صاحت عمَتني اوصيّتك...جاسم يريحان القلب

قلها و لو شفتي غصن من قبل حينه منكسر...بالله اذكريني ما بلغِت عشره و ثلاث من العمر
أقشر عليّه هالعرس صارت الزفّه للقبر
قالت عساني فدوتك...جاسم يريحان القلب

يبني يجاسم بنشدك ردها عليّه نشدتي...انت الجبتني و اخوتك شالبصر قلّي بردّتي
وياكم امشي مأمّنه و متكفّلين بناقتي
و هسّا يسيره ابذمّتك...جاسم يريحان القلب

جاسم مبارك هالعرس بيض و سمر زفّافتك...يبني و نثارك هالنّبل و الحومه صارت حوفتك
لا طال لي يبني العمر عيني انعمت من شوفتك
مطروح ما بين اخوتك...جاسم يريحان القلب

جسّام جرحك بالقلب خلّى مهجتي مفتّته...و فراق شخصك بالحشا تلهب و تسعر جمرته
يحسين بارك للحسن بزواج شبله و زفّته
ياهو الفصّل بدلتك...جاسم يريحان القلب