الملتقه يمته...الملتقه يمته
بعد ما نحمل...ييوسف فاطمه
مو قميص و لا عطر...بيَّ يالمهدي انت مر...مشتاق لك
تقره يومية القلب...شنهي جا هجرك صعب...ما قال لك
اسنين منتظرك حلم...خاف قلبك ينلجم...ما سائلك
راية الحمرة بجت...بالسواد اتبدلت...و اتعاتبك
خضره بدلها...خضره بدلها
و إخذ ثاراتك...يبن حامي الحمه
الملتقه يمته...الملتقه يمته
بعد ما نحمل...ييوسف فاطمه
ليش باقي الوحدّك...إخذه قلبي يساعدك...ما ريده
اوداعتك و محبتي لك...الفقد شوفه اشما ملك...ميفيده
انت شوفي و ناظري...و اللي تجبر خاطري...بس إيده
دينك اعليه ثقل...ما أوفي اشما تحصل...تسديده
هاك إخذ عمري...هاك إخذ عمري
بلكي ما تبكي...بعد عينك دمه
الملتقه يمته...الملتقه يمته
بعد ما نحمل...ييوسف فاطمه
دلي يوسف عالكرم...يوسف الشوفه انعدم...رداه له
اشقد زليخة انتظرته...ليها رد مو ريحته...و اخياله
اكرمني مره بشوفتك...كافي دمعة فرقتك...همّاله
همي إرجع فرجه...حته أقول العيد إجه...و اهلاله
ارجع احييني...ارجع احييني
ينحسب ميت...يمولاي العمه
الملتقه يمته...الملتقه يمته
بعد ما نحمل...ييوسف فاطمه
سيدي اللايم حجه...قلبي وي عيني بجه...و أذّاني
خلصت إيقلي الجمع...وينه عيدك ما رجع...شمتاني
اشجم عليلة الأيست...تنشد اضعون الإجت...ما جاني
حالي بعدك ثاكلة...سهم فقدك حرمله...البّجاني
و الله سابيني...و الله سابيني
وينه جودك...حيل أذاني الضمه
الملتقه يمته...الملتقه يمته
بعد ما نحمل...ييوسف فاطمه
