النعي
عن لسان حال إبنة الحسين العليلة فاطمة الصغرى
عليله والگلب يا ناس مالوم...إو چاتلني السهر وإمحاربه النوم
و هذا العلي من ألله مقسوم...مسگوم إو دمعي مسچوم
ذبني زماني إو مگدر أگوم...من علتي إو من ثگل الهموم
إو روحي عله إضعون إخوتي إتحوم...وين اليرد لهفة المهضوم
إيروح الكربله إو ياخذلي إعلوم...چني إبخبر والخبر ميشوم
وأشوف إخوتي إتغسلت بدموم...إو چن المخيم حرگته الگوم
وإتيسرت زينب إو چلثوم...أصبر وأحتسب والصبر محتوم
* * *
عليلتكم تخلوها إو تشيلون...إو عنها إبليل يهـل الضعن تمشون
وهي تنادي وراكم ما تسمعون...بالله إهنا يهل سايح المضمون
وياكم إخذوني وين تردون...شنهو السبب يهلي ما تمرون
تشوفوني إو تسلوني إو تودعون...وأنه جسمي إبحجر الولم مرهون
عليّه إفراگكم يصعب إو ميهون...ميهيد الگلب متنام العيون
إوصيكم يهلنه إو خاف تنسون...وإبكل دار يهلي من تنزلون
أريد إطروش من عدكم تودون...الطيبه وإبعليلتكم توصون
* * *
