أضف الموضوع
الشاعر المرحوم الشيخ كاظم منظور الكربلائي
21/08/2019م - 11:52 م | عدد القراء: 743
 كاظم منظور الكربلائي
جرعت إمن النوايب چاس مرهان...إو جسمي عله أشفار الموت مرهان
من يصعب عليّه المرض مرهان...إبدار أهلي إو غريبه إشلون بيّه
* * *
عله هونك يحادي النوگ تنواي...أشوف إضعون أهلنه وين تنواي
عليله إو فوگ علتي إبنار تنواي...روحي من لهيب الغاضريه
* * *
ولها الـروح والعلّه وهلها...إو عيني نشف جاريها وهلها
عليله إبدارهـا ظلت وهلها...مشو عنها بميادين المنيه
* * *
الـدهر صوب كرامتنه وهنها...إو گواي المرض نحلها وهنها
روحي بيش أداويها وهنها...عگب ذيچ البدور الهاشميه
* * *
عليله والگلب مالوم بالهـام...إو جدمي ساير إعله الموت بالهـام
إو عگلي إيحوم عالغيّاب بالهام...عله الهامو إبشوگ الغاضريه
* * *
(1) وزن ألأبوذية : وزن من أوزان الشعر الشعبي العراقي القديم ـ وهو وزن مستقل بذاته ـ وهو مأخوذ من بحر الوافر في الفصحى . ومن وزن النصاري في ألأوزان الشعبيه ولقد جاء في عروضه التفعيلية :
غرامي في ألأحبة وفرته وشاةٌ بألأزقة راكزونا
مفاعلتن ، مفاعلتن ، فعولن (إذا مروا بهم يتغامزونا)
|
