يمسلم حبلك إمن الگلب لبه...خسر دينه العليك إبغيض لبه
أنه مثل الذي بالبيت لبه...إمن أطوف إبحضرتك وأبدي التحيه
* * *
عين الحرب دم هلت وهلها...سيف الگابل الكوفه وأهلها
رواسي الكون دكدكها وهلها...مسلم وإستلم چاس المنيه
* * *
يمسلم صيح بالحارث وعتبه...شلك طلبه إبيتامانه وعتبه
طفل فوگ الطفل جره وعتبه...إو گطع راس اليتيم إبحجر أخيّه
* * *
يمسلم صار للأطفال حنه...إو حـارث من عليها الظهر حنه
إو من دم اليتامه إختار حنه...إو حنّه أطفالك إبدم المنيه
* * *
