قائد الفرقه إو زعيم العلم...يحيى العلم
حشم أنصاره ونشر رايته
* * *
شد وسام القياده العاليه...سيف العزم
بفرقته البالمعاهد راقيه...بطيب العلم
أيد الوحد إبخطب ساميه...روح الكلم
وثغر البلاغه إبتهج وإبتسم...يحي العلم
ونور الفصاحه زهه إبخطبته
* * *
كوكب خطاب الزعيم إنتشر...وإتنورت
بيه الحواس الخمس والفكر...وإتجمعت
وحجب الشهـاده إنكشف للنظر...وإتودعت
وأهل الشهاده إنهضو بالهمم...يحي العلم
عونك يمير العلم نادته
* * *
صوت الحريب إليخيف الدهر...وإيروّعه
إستر إبن ظاهر وگلبه إبتشر...من إسمعه
صحبته إنجوم السعد والفخر...من طالعه
يجلي ظلام إليخيف الخيم...يحي العلم
وسر گلب بت فاطمه إبنخوته
* * *
صاح إبن ظاهر بصوت الوعد...حل الوعد
لا يفوت السعد يهالسعد...لاح السعد
أدنت الساعه وبنود العهد...يهل العهد
حررو من العهـود الذمم...يحي العلم
بإسم الحسين وشرف نصرته
* * *
هاجت أصاره وتلبي ألأمر...متمثله
فتحت إبكربله بوب النصر...وإبكربله
شالت الكـون إعله روس السمر...بالمرجله
وحيّت الحومه إبلهيب الشيم...يحي العلم
وعزم الغيور إبجمر شيمته
* * *
مدّو الميد إبدليل الحرب...وإتفرسو
وذبّو جناح الوغه إعله الگلب...وإتحمسو
وگلبو حمل الحرايب گلب...وإتنومسو
وأخذو الغانمـه إبيوم الصدم...يحي العلم
وحيّو الموت وشرف ساعته
* * *
إتبرگع حبيب إبرفيف اللوه...ظل المجد
وسر الشهاده إبضميره إنطوه...سار إبرشد
نسم إبوجهه النسيم الهوه...بطيب الخلد
إتبشر وبشّر إبطيب النعم...يحي العلم
وأدرك الجنه إبرفج صحبته
* * *