بسم الله نبديها هالثورة الكبره
يالله اكتب تاريخك و العالم يقره
و بريشة ابداعك ارسملك ذكره
و أقدامك خل تطوي صفحات الصحره
*****
خطواتك...نظراتك...هوساتك
قلبي اتطمنه
احساسك...دمعاتك...كلماتك
قلبي اتطمنه
يا مشاي...احسبلك انه
اهلا بيك...منتظرك سنة
*****
انشودة مشايه و خطواتك عزفك
من كد ما تمشيها هالارض تعرفك
و العالم مذهوله و محتاره بوصفك
جن شايل نهر الطف مو راية بجفك
يالمقبل...يمته تهل...مستعجل
و اهتف يا علي
لا تهتم...و اتبسم...واتقدم
و اهتف يا علي
يا هالناس...محبوبي اعتنه
اهلا بيك...منتظرك سنة
*****
لا تبطئ خطواتك اسرعهن اكثر
كل نظرة بأرجوزة كل خطوة بمنبر
وحدهن نسقهن يا حيدر حيدر
انفاسك ثورية الله اكبر
لا تتعب...يمجرب...و اترقب
عيني اعله الدرب
شد عزمك...سجل اسمك...و لعلمك
عيني اعله الدرب
اي مأجور...و اجرك ضامنه
اهلا بيك...منتظرك سنة
*****
امشيلي بس خطوة امشيلك عشرة
بدموعك بترابك اركض للحضرة
من تلزم شباجي و بصدرك عبرة
كل دمعه لعيونك تترصع شذرة
يالباسل...تستاهل...و الكافل
اسمك سجله
ها وينك...متناينك...قر عينك
اسمك سجله
و العباس...دربك أمنه
اهلا بيك...منتظرك سنة
*****
قبلني اولهم ما ردتك آخر
ما توصل هالليلة توصلي باجر
لا تتعب لا تغفه و حسين تناظر
و تصور ناديتك مصباح العاشر
و تحامي...قدامي...و الظامي
عقلك جننه
داعينك...حل دينك...و حسينك
عقلك جننه
و النبضات...عالحب مدمنه
اهلا بيك...منتظرك سنة
*****
يالزاير افرحلك من توصل سالم
و الگلك ما سمعك ما شوفك واهم
عاهدتك تتحقق احلامك لازم
عاهدني ترجعلي بالعام القادم
يمفارق...لا تفارق...و العاشق
يتحده القدر
من يقنع...ما يخضع...ما يرجع
يتحده القدر
و المشاي...بالطف موطنه
اهلا بيك...منتظرك سنة