بـجـفـوفـك فـايـض زمـزم .. لازم تـفـهـم .. هـاي  الـناس خـل الـزمـان إيـشـوف .. إلـمـن نـطـيـت اجـفوف..يا عباس يـكـفـيـك  هذا  الفخر يبن الأطهار .... جدك أبو طالب و أبوك  الكرار جـفـك  مـثل  زمزم يبو فاضل صار .... و الكعبه انته و الحجيج الأشفار مـحـرم عليك أصبح يطوف البتار .... صابك و قص اجفوفك ايمين  ايسار يـالـجـسـمـك حـيـن اتـخـضـب .. كـعـبه اتنصب .. للأبرار بـيـه الـسـؤال ايـطـوف..إلـمـن نـطـيـت اجـفوف..يا عباس بـالـخيم  عفت أطفال تبجي و رضعان .... نار العطش تلفح لفيح  البركان عـالـنـهر خيل اعداك مثل الطوفان .... حاطت عساكر من جميع  الأركان وحـدك صـعوبه اتزيل كل هالفرسان .... تجلب الماي و بيه تروي  العطشان يـالـرايـح تـرخـص دمـك .. اتـوذر جـسـمـك..  عـالـتربان واضـح صـفـه و مـكـشـوف..إلـمـن نـطـيت اجفوف..يا عباس هـمـتـك هـمت حيدر ابلايه احدود .... عندي سؤال اوياك يا بحر الزود مـن  خذت  يا بالفضل وياك الجود .... هم تدري راسك من نصيب  العامود اشـقصدك  تجيب الماي و اترد اردوود .... لو تدري للشاطي تروح و  متعود أطـفـالـك هـالـتـنـتـظـرك .. يـا مـن نـحرك .. ظل  مرصود يـا الـمـا تـعـرف الـخـوف..إلـمـن نـطـيـت اجفوف..يا عباس من قبل ما للنهر تطلع و اتروح .... ابها الروحه تدري اتضحي بالدم و  الروح تـتخطه  خطوة  نمر دامي و مجروح .... و اتركت عيله اعليك بالخيمه  اتنوح ضحيت و بجسمك اجروح اعله اجروح .... و بدال ماي النهر دمك مسفوح لـجـروحـك مـن اخـيـامـك .. جـفـن أيـتـامك.. ظل مشبوح لا شـك صـبـح مـعـروف..إلـمـن نـطـيـت اجـفوف..يا عباس ابـنـات الـوصـي حـرمة محمد وياك .... و انته الغيور و بالحرايب  فتاك تـصبر اشلون و عيله طلعت بحماك .... تسمعها من العطش تشكي و  تنخاك الـواجـب  يعباس  انفرض و استدعاك .... اتضحي لجل عيلت محمد بدماك لا تــنــســه دوم اتـذكـر .. عـنـدك خـدر ..  تـتـرجـاك صـيـح ابـكَـلـب مـلـهـوف..إلـمـن نـطيت اجفوف..يا عباس أطـفـال بـخيامك تجر الحسرات .... رضعان رضعت هالغصص و النكبات و  الأشـد مـن كل هالشدد و اللوعات .... لمن يجي ليهم خبر عمهم  مات مـنـهو  الذي ايطفي لهييب الآهات .... لو خبر موتك يصل يا طيب  الذات هـالـخـدر عـنـك تـنـشـد .. حـتـه الـمـوعـد .. عنهن فات صـيـح ابـدمـع مـذروف..إلـمـن نـطـيـت اجـفوف..يا  عباس صـاحـن  رجـوعـك  لـلخيم نتمناه .... ردناك انته و للعذب ما  ردناه ايزول  العطش  ذاك الوجه لو شفناه .... و ابشوفتك حته الطفل ينسه  اضماه شـنـكَـول لو جسمك يخي شاهدناه .... يم الشريعه امضرج ابفيض  ادماه يـا  وسـفـه انـطـيـت اجـفـوفـك .. دامـي انشوفك .. واويلاه وجـه الـحـرم مـخـطـوف..إلـمـن نـطـيـت اجـفوف..يا عباس