ظــل يــجــري دمــع الـعـيـن ....عـالـرايـة و الچفـيـن
جـودك مـا لگيـتـه ....و لـظـهـري حـنـيته ....عالراية و الچفين
عـبـاس إجيتك للنهر ....ودموعي تجري - حاربني دهري - و حايرة بأمري
نـار الظمى ونار الخيم ....تلهب بصدري - شيطفي جمري - و حايرة بأمري
سلبوا خدري وما أظن ....تعلم وتدري - من عگب خدري - و حايرة بأمري
مــا تــدري يــا عــبــاس صـوبـنـي سـهـم الـبـيـن
صـك عـيـنـي وعـمـاهـا - وضـلـوعـي حناها-عالراية والچفين
يـا بـا الـفـضـل جمر الگلب ....يسعر لهيبه - بنار المصيبة - وآنه غريبة
بـدرك يـا خـويه على النهر ....أصبح مغيبه - وجثتك سليبة - وآنه غريبة
بـغـيـبتك غابت عزتي ....وخدري شيجيبه - ما بگت هيبة - وآنه غريبة
بــيــن الــسـلـب والـنـار عـفـت الـجـمـع صـوبـيـن
وآنـه بـهـضـم گلـبـي - جـيـت وعـيـنـي تربي-عالراية والچفين
عفت الخيم متلاهبة ....وجيت أرد أحشمك - وأگعد وأكلمك - خليني يمك
بـيـا عين أشاهد مصرعك ....وأنظر لجسمك - مخضب بدمك - خليني يمك
دمـك أمـزجـه بدمعتي ....وهمي ويا همك - بگلبي أضمك - خليني يمك
گلــبـي إنـفـجـع وإنـصـاب هـاي الـمـصـيـبـة مـنـيـن
يـا لـوعـة عـذابـي - جـيـت أعـرض مـصـابـي-عالراية والچفين
عـبـاس إجـيت بشيمتك ....وإنت كفلتني - تالي فجعتني - رحت وعفتني
إنـت إلـحـديت بناگتي ....وللطف جبتني - ليش تركتني - رحت وعفتني
عـذبـنـي دهـري بـغيبتك ....يل عذبتني - من فارگتني - رحت وعفتني
بــفگدك فگدت الــراي هــالــمــحــنــة چانــت ويـن
مـا أوچد بـعـيـنـي - مـنـهـو إلـيـدلـيـنـي -عالراية والچفين
مـحـتارة يم المشرعة ....ايدي على خدي - بالغربة وحدي - ولا والي عندي
يا با الفضل نار العطش ....فطرت چبدي - وجروحي تدي - ولا والي عندي
عاهدت أوفي بالصبر ....وحفظت عهدي - وبذلت جهدي - ولا والي عندي
وبــغــيــبــة الــولــيــان ويــن أتــجــه لاويـن
حـيـرنـي زمـانـي - ومـحـنـيـة تـرانـي-عـالـرايـة والچفـين
عـبـاس مـا تـخـمـد بعد ....جمرة غليلي - ولهفة دليلي - لا يا چفيلي
تـهـدمـت أركـان الصبر ....وإنهدم حيلي - وفاجئني ليلي - لا يا چفيلي
يـا گمـر هاشم مصرعك ....فجر مسيلي - و گرب رحيلي - لا يا چفيلي
يــا بــا الــفــضــل ويــاك مـوتـي گرب هـالـحـيـن
مـن لـوعـتـي وهـمـي - تـهـدم ركـن عـزمـي-عالراية والچفين
تگدر تـرد لـي عـزتـي ....لو چتفوني - الگوم وسبوني - وعنك خذوني
مـنـهـو إلـيعدل محملي ....ويكفل ضعوني - لو يسروني - وعنك خذوني
أعـتـب عـلـيك بونتي ....ودمعة عيوني - عگبك ولوني - عنك خذوني
حــادي الــضـعـن لـو شـال وإحـنـه بـيـسـر مـاشـيـن
مـن جـانـب الـمـحـمـل - أتـلـفـت وأسـأل-عـالراية والچفين |
