تـمـشين و مـرفـوعه الـراس...وصـيت أخـوج الـعباس
وصــيـتـه و نــادانــي بـهـاي...آنـا الـعـبـاس الــوفـاي
مــن أزعــل تـرجـف دنـياي...معقولة اتـريدين الـماي
هـالـيوم يـطـق راس بـراس...وصـيت أخــوج الـعباس
شـايـل جــودك جـبـرائيل...و الـرايـه اجـناح اسـرافيل
سـيفك صـرخة عـزرائيل...لو دب الـخيل اعـله الـخيل
لـلـخـوه ايـصـيـر الـمـقـياس...وصيت أخــوج الـعـباس
دق صـدره و صـاح تـأمرين...وصيني وقولي اشتردين
وشـحـده الـيـوصل لـحـسين...آنا الـعـباس و تـدريـن
مــا يـرجـع و اتـعـرفه الـنـاس...وصيت أخـوج الـعباس
عـباس اتـعرفينه اشـلون...خيال و طـب اعـله الـكون
فـنـهم لـحـدوده ايـعـبرون...مجنون الـيـوصل مـجـنون
يـحـجيها بـهـذا الإحـسـاس...وصيت أخــوج الـعـباس
عـبـاس اشـلون اتـوصيه...و الـشاطي بـجوده ايـعبيه
مـن خـيمه الـخيمه ايـجر بـيه...كوثر بـجفوفه ايـخليه
ايـزلـزلهم راعــي الـنـوماس...وصيت أخــوج الـعباس
برض الطف مسروجه اخيول...يا بو الغيره و ما معقول
قـدامك فـرسان اتـصول...لو عـطشت زيـنب شـتقول
لا مـيـقـصر راعـــي الـبـاس...وصيت أخــوج الـعـباس
قــال آنــه الـحـد و الـميدان...خليها اتـصول الـفرسان
أكـتـب لـلـخوه الـعـنوان...و أشـريـها ابــدم الـشـريان
دمــي الـمـا يـخـضع نـبـراس...وصيت أخـوج الـعباس
