وفـيـنـه عـهـدنـه اويـــاك وفـيـنـه...اجينه الـمـرقـد الــهـادي وتـعـنينه
أحــــــــــــرار يـــــــــــا ســــــامـــــره...زوار يـــــــــــا ســــــامـــــره
إجت شيعة علي بصوت الوفه اتنادي...هاي أفواج زوارك علي الهادي
صـيحتنه صـداها اعـتله ابـكل وادي...وي جـف الـخصم لـجلك تلاوينه
ويـــاك الـعـهـد مـــا نــقـدر انـبـيـعه...قائدنه عــلـي ولـلآخـر انـطـيعه
شـيعه وغـصبن اعـليهم نـظل شـيعه...صلاة ابـلا علي ما يوم صلينه
إجـيـنـه الـمـجـلسك بـقـلوب ثـوريـة...يمك شـيـعتك وصـلـت فـدائـية
تـظل لـلموت صـرختنه الـحسينية...ومن هـذا الـعشق مـا يـوم ملينه
زوار وعــهــد يــمــك يـكـتـبونه...شيعه ومـــا نـعـوفـك لـــو يـذبـحـونه
خــدام الإمــام الـهـادي يـلـقونه...وبباب الـصـحن سـجـلنه أسـامـينه
يـظل حـبنه الـعلي ايعيش بضمايرنه...نجيك ازحوف لو قطعوا مناحرنه
نـحـيه انـموت تـهتف لـك حـناجرنه...وينه الـجان يـمنع شـيعتك ويـنه
رادونـه نـعوفك سـيدي ومـا عـفناك...صحنه يا أسد سامره ما ننساك
شـيـعه ورافـضـه ولـلموت نـبقه اويـاك...غلطان الـيقول الـثار نـاسينه
نـفـديك بـعـمرنه ونـرخـص إدمـانـه...وصوتك كــل زمـان ايـعيش ويـانه
واحـدنه هـتف يـا مـوت هـذا آنـه...واحنه اشـما يـطول الدرب ماشينه
